बॉलिवूडमध्ये सध्या ‘मी टू’ या मोहिमने चांगलाच जोर धरला असून याअंतर्गंत अनेक बड्या कलाकारांची पोलखोल होत आहे. यात आता सुशांत सिंह राजपूतचं नावदेखील जोडलं गेलं आहे. विशेष म्हणजे सुशांत सोबतच ‘किज और मौनी’ या चित्रपटाचे दिग्दर्शक मुकेश छाबडा हेदेखील अडचणीत आले आहेत.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

‘किज और मौनी’ या चित्रपटामध्ये सुशांत आणि संजना सांघवी एकत्र स्क्रिन शेअर करत आहे. या चित्रपटादरम्यान सुशांतने लगट करण्याचा प्रयत्न केल्याचा आरोप संजनाने केला आहे. संजनाच्या आरोपानंतर सेटवर महिलांचे लैंगिक शोषण होत असल्याचं म्हणत फॉक्स स्टारने दिग्दर्शक मुकेश छाबडा यांच्यासोबतचे सारे करार रद्द केले आहेत. फॉक्स स्टार स्टुडिओने ट्विट करत याविषयी माहिती दिली आहे.

‘किज और मौनी’या चित्रपटाचं दिग्दर्शन मुकेश छाबडा करत असून चित्रपटाच्या सेटवर महिलांसोबत असभ्य वर्तन घडत आहे. त्यांच्यावर लैंगिक अत्याचार होत आहेत. हे कदापि सहन होण्यासारखी घटना नाही. स्टार इंडिया एक नावाजलेली संस्था आहे. त्यामुळे चित्रपटच्या सेटवर होत असलेल्या या घटना पाहता आम्ही मुकेश छाबडा यांच्यासोबतचे करार रद्द करण्याचा निर्णय घेतला आहे, असं फॉक्स स्टार स्टुडिओने शेअर केलेल्या ट्विटमध्ये म्हटलं आहे.

जोपर्यंत अंतर्गत तक्रार निवारण समिती आणि मुकेश छाबडा यांची कास्टिंग कंपनी हा वाद सोडवत नाही तोपर्यंत हे करार रद्द करण्यात येणार असल्याचंही या ट्विटमध्ये म्हटलं आहे. दरम्यान, काही दिवसापूर्वी मुकेश छाबडा यांच्यावरही काही महिलांनी लैंगिक शोषणाचे आरोप केले होते. चित्रपटात काम हवं असेल तर तडजोड करावी लागेल, असा आरोप एका महिलेने केला होता.

 

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Mukesh chhabra fired from kizzie aur manny