हृतिकच्या आव्हानाला प्रियांका चोप्राचे प्रत्युत्तर

बॉलीवूड अभिनेता हृतिक रोशनने आगामी चित्रपट ‘बँग बँग’च्या प्रसिद्धीसाठी नवीन शक्कल लढवली आहे. ट्विटरवर त्याने बॉलीवूड सेलिब्रेटींना आव्हान देण्यास सुरुवात केली होती. यात बॉलीवूडची आघाडीची अभिनेत्री प्रियांका चोप्राला त्याने हील्स असलेली सॅण्डल घालून हॅण्डस्टॅण्ड आणि पुशअप्स् मारण्याचे आव्हान दिले होते. धीट आणि जिद्दी प्रियांकानेही ते आव्हान स्वीकारत आपल्या फेसबुक पेजवर त्याचा व्हिडिओ शेअर केला. शेवटी तिने म्हटले की, “हृतिक तू सांगितल्याप्रमाणे मी केले आहे. पुढच्यावेळी काहीतरी कठीण आव्हान मला दे.”
हृतिकने बॉलीवूड बादशाह शाहरुख खान आणि सोनम कपूरलाही आव्हान दिले आहे. आता ते त्यांचे आव्हान पूर्ण करतात का हे पाहणेदेखील मजेशीर राहिल.