बॉलिवूड अभिनेत्री शिल्पा शेट्टी आणि तिचा पती उद्योगपती राज कुंद्रा गेल्या काही दिवसांपासून चर्चेत आहेत. या चर्चा राज कुंद्राला पार्नोग्राफी प्रकरणात अटक झाल्यामुळे सुरु झाल्या होत्या. त्यानंतर शिल्पा आणि राज यांच्या नात्यामध्ये फूट पडली असल्याचे देखील म्हटले जात होते. पण आता शिल्पा शेट्टी आणि राज कुंद्रा हे एकत्र आले असून त्यांनी अभिनेत्री शर्लिन चोप्रा विरोधात मानहानीचा गुन्हा दाखल केला आहे.
काही दिवसांपूर्वी शर्लिन चोप्राने राज कुंद्रावर गंभीर आरोप केले होते. राजने फसवणूक केली असून शारीरिक शोषण केल्याचा आरोप केला होता. त्यानंतर आता राज आणि शिल्पाने शर्लिन विरोधात मानहानीचा गुन्हा दाखल केला आहे. तसेच नुकसान भरपाई म्हणून ५० कोटी रुपयांची मागणी केला आहे.
काय होते शर्लिनचे आरोप?
पॉर्नोग्राफी प्रकरणात राज कुंद्राला अटक झाल्यानंतर शर्लिनने सोशल मीडिया पोस्टद्वारे अनेक आरोप केले होते. राज कुंद्राने फसवणूक केली असून शारीरिक शोषण केल्याचा आरोप शर्लिनने केला होता. एप्रिल २०२१मध्ये देखील शर्लिनने राज विरोधात पोलिसात तक्रार दाखल केली होती. राज कुंद्रा प्रकरणामध्ये क्राइम ब्रांचने शर्लिनची चौकशी केली होती. या प्रकरणातील ती महत्त्वाची साक्षीदार असल्याचे म्हटले जात होते.