गुजरातमध्ये ‘पद्मावत’ प्रदर्शित होण्यासाठी ट्विपल्सची मोहीम

राजस्थान, गुजरात, हरयाणा, मध्यप्रदेश, हिमाचल प्रदेश आणि उत्तराखंड या राज्यांमधील ‘पद्मावत’ चित्रपटाच्या प्रदर्शनावर बंदीला सुप्रीम कोर्टाने स्थगिती दिली होती. शिवाय राजस्थान आणि मध्यप्रदेश सरकारच्या फेरविचार याचिकाही सुप्रीम कोर्टाने फेटाळल्या होत्या. पण तरीही करणी सेनेचा विरोध काही केल्या कमी झाला नाही. प्रदर्शनाच्या दिवशी अनेक ठिकाणी तोडफोड आणि जाळपोळ करण्यात आली. त्यामुळे बऱ्याच ठिकाणी हा चित्रपट प्रदर्शित होऊ शकला नाही. याविरोधात नेटकऱ्यांनी मिळून आता एक मोहीम सुरु केली आहे. गुजरातमध्ये हा चित्रपट प्रदर्शित व्हावा यासाठी ट्विटरवर सध्या जोरदार मोहीम सुरू असून #BringPadmaavatToGujrat हा हॅशटॅग ट्रेण्ड होत आहे.

‘जर देशभरात कोणीही हा चित्रपट पाहू शकतात, तर गुजरातमधील लोक पद्मावत का नाही पाहू शकत?,’ असा सवाल ट्विपल्सनी या हॅशटॅगसह केला आहे. ज्यांनी हा चित्रपट पाहिला त्यांना त्यात काहीच आक्षेपार्ह आढळले नसून राजपूतांची गौरवगाथाच यातून सांगितल्याची प्रतिक्रिया अनेकांनी दिली. मग गुजरातमध्ये कोणत्याही विरोधाशिवाय हा चित्रपट का प्रदर्शित होऊ देत नाही असा संतप्त सवाल ट्विटरकर करत आहेत.

https://twitter.com/IamSmirza/status/956840382850936833

https://twitter.com/BeautifulKiu/status/956835794789982208

https://twitter.com/Aashima111/status/956837608860119041

https://twitter.com/BabuBeg/status/956844047708012544

वाचा : अखेर दीपिकाने केला खुलासा, ‘पद्मावत’मधील हे दृश्य साकारताना तिचेही डोळे पाणावले

बुधवारी आणि गुरुवारी देशातील बहुतांश ठिकाणी करणी सेनेकडून आंदोलने आणि निदर्शने करण्यात आली. ‘पद्मावत’ हा चित्रपट प्रदर्शित होऊच नये अशी करणी सेनेची भूमिका आहे. तर दुसऱ्या बाजूस जिथे हा चित्रपट प्रदर्शित झाला आहे, तिथे लोकांचा उत्स्फुर्त प्रतिसाद मिळत आहे. बरेच शो हाऊसफुल झाले आहेत. पहिल्याच दिवशी १८ कोटींची कमाई या चित्रपटाने केल्याचे म्हटले जात आहे.

https://twitter.com/decentaf_/status/956835416987938816

https://twitter.com/aremaihoo/status/956842065307959296