यशराज फिल्म्सच्या आगामी ‘शुद्ध देसी रोमान्स’ चित्रपटाचे शिर्षक गीत अखेर प्रदर्शित झाले आहे. सुशांत सिंग राजपूत आणि परिणिती चोप्रावर चित्रीत करण्यात आलेल्या या गाण्यात प्रेमात पडलेले हे दोघेजण आनंदाने नृत्य आणि मौज करताना दिसतात. गाण्याचे चित्रिकरण राजस्थान, जोधपूर येथील मेहरानगड किल्ल्यावर करण्यात आले आहे. जयदीप साहनी यांनी लिहलेले ‘शुद्ध देसी रोमान्स’ गाणे सचिन-जिगरने संगीतबद्ध केले आहे. मनिष शर्मा दिग्दर्शित हा चित्रपट ६ सप्टेंबरला प्रदर्शित होणार आहे.