2008 malegaon bomb blast case accused bjp mp sadhvi pragya singh thakur appeared in special court mumbai print news zws 70 | Loksatta

अटक करणाऱ्या एटीएस अधिकाऱ्याची उलटतपासणी ; प्रज्ञासिंह ठाकूर यांची अचानक विशेष न्यायालयात उपस्थिती

साध्वी यांच्या विनंतीवरून न्यायालयाने न्यायालयाचे कामकाजही हिंदी भाषेतूनही चालवले.

अटक करणाऱ्या एटीएस अधिकाऱ्याची उलटतपासणी ; प्रज्ञासिंह ठाकूर यांची अचानक विशेष न्यायालयात उपस्थिती
(संग्रहित छायाचित्र) भाजप खासदार साध्वी प्रज्ञासिंह ठाकूर

मुंबई : मालेगाव येथे २००८ मध्ये झालेल्या बॉम्बस्फोटाशी संबधित खटल्यातील मुख्य आरोपी भाजप खासदार साध्वी प्रज्ञासिंह ठाकूर यांनी गुरुवारी विशेष न्यायालयासमोर अचानक उपस्थिती लावली. साध्वी यांना या प्रकरणी अटक करणाऱ्या राज्याच्या दहशतवादविरोधी पथकाच्या (एटीएस) अधिकाऱ्याची उलटतपासणी सुरू असताना साध्वी अचानक न्यायालयात हजर झाल्या.

राष्ट्रीय तपास यंत्रणेचे (एनआयए) अधिवक्ता अविनाश रसाळ यांनी मंगळवारी या अधिकाऱ्याची सरतपासणी घेतली. त्यानंतर ठाकूर यांचे वकील जे. पी मिश्रा यांनी गुरुवारी अधिकाऱ्याची उलटतपासणी सुरू केली. ही उलटतपासणी सुरू असताना दुपारी १२ च्या सुमारास साध्वी न्यायालयात आल्या आणि आरोपींसाठी असलेल्या आसनावर जाऊन बसल्या. पाठदुखीचा त्रास जाणवत असल्याची तक्रार केल्यानंतर विशेष न्यायालयाचे न्यायाधीश ए. के. लाहोटी यांनी साध्वी यांना बसण्यासाठी खुर्ची उपलब्ध करून देण्याचे आदेश दिले. साध्वी यांच्या विनंतीवरून न्यायालयाने न्यायालयाचे कामकाजही हिंदी भाषेतूनही चालवले.

हेही वाचा >>> मुंबई महानगरपालिकेला दोन लाख रुपये दंड ; २०१९ च्या आदेशासाठी विनाकारण पुनर्विलोकन याचिका केल्याची उच्च न्यायालयाची टिप्पणी

या एटीएस अधिकाऱयाने साध्वी यांच्यासह रमेश उपाध्याय, शिवनारायण कालसंग्रा आणि श्याम साहू यांनाही अटक केली होती. कालसंग्रा आणि साहू या दोघांनाही प्रकरणातून दोषमुक्त करण्यात आले आहे. याशिवाय या अधिकाऱ्याने गुजरातमधील पाच व्यक्तींचे जबाबही नोंदवले होते. त्यात बॉम्बस्फोटासाठी वापरण्यात आलेल्या साध्वी यांच्या दुचाकीचा वितरक आणि वित्त पुरवठादार यांचा समावेश होता. याच दुचाकीबाबत अधिकाऱयाने सुरत येथील आरटीओ अधिकाऱ्याचा जबाबही नोंदवला होता.

ठाकूर या न्यायालयात अभावानेच उपस्थिती असतात. सर्व आरोपींना हजर राहण्यासाठी न्यायालयाने आदेश दिले तरच त्या न्यायालयात उपस्थित राहतात. जानेवारीत त्या सुनावणीसाठी उपस्थित होत्या.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मराठी भाषेतील पाट्या नसलेल्या दुकानांवर सोमवारपासून कारवाई ; पहिल्या टप्प्यात पाहणी करून नोटीस देणार

संबंधित बातम्या

मुंबईः उपचाराच्या निमित्ताने वृद्धाची १० लाखांची फसवणूक; तिघांविरोधात फसवणुकीचा गुन्हा दाखल
विशाल कारियाच्या आर्थिक प्रगतीवर गुन्हे शाखेची नजर
मुंबईमधील जोडपं Live Stream करत होतं Sex Video; गायकाच्या तक्रारीनंतर पोलीस तपास सुरु
ईडी अधिकाऱ्यांसोबत खंडणी रॅकेट चालवणाऱ्या जितेंद्र नवलानींवर गुन्हा दाखल; संजय राऊतांनी केले होते आरोप
मुंबई: पेट्रोल पंपावरील कर्मचाऱ्याला मारहाण करणारे सात जण अटकेत

व्हिडिओ

ताज्या बातम्या
पुणे : मनसे अंतर्गत गटबाजी उफाळली; वसंत मोरेंच्या आरोपानंतर पदाधिकाऱ्यांची तातडीची बैठक
महाराष्ट्रातील वाहनांवर बेळगावात हल्ला: अजित पवार संतापून म्हणाले, “‘अरे’ ला ‘कारे’ म्हणण्याची हिम्मत महाराष्ट्र सरकारने…”
उर्वशी रौतेलाच्या घरी लगीनघाई, अभिनेत्री रंगली हळदीच्या रंगात
“तर मी…” ऐतिहासिक चित्रपटातील भूमिकांविषयी अक्षय कुमारने दिलं होतं स्पष्टीकरण
मुंबईः उपचाराच्या निमित्ताने वृद्धाची १० लाखांची फसवणूक; तिघांविरोधात फसवणुकीचा गुन्हा दाखल