१७ दिवसांनंतर आर्यन खान येणार कोठडीतून बाहेर?; जामिनावर आज सुनावणी

आर्यनच्या जामिनावर सुनावणी करणाऱ्या विशेष एनडीपीएस न्यायालयाने गेल्या सुनावणीत जामिनावरील निर्णय राखून ठेवला होता

Aryan Khan, Aryan Khan Drug Case
(File Photo: PTI)

बॉलिवूड अभिनेता शाहरुख खानचा मुलगा आर्यन खानच्या जामिनावर न्यायालय आज सुनावणी करणार आहे. आर्यन खान क्रुझ रेव्ह पार्टी ड्रग्स प्रकरणात तुरुंगात आहे. आर्यनच्या जामिनावर सुनावणी करणाऱ्या विशेष एनडीपीएस न्यायालयाने गेल्या सुनावणीत जामिनावरील निर्णय राखून ठेवला होता. एनसीबीने १४ ऑक्टोबर रोजी बॉ आर्यन खानच्या जामीन अर्जाला विशेष एनडीपीए न्यायालयात विरोध केला आणि दावा केला की तो ड्रग्सचा नियमित ग्राहक आहे. क्रूझ पार्टीदरम्यान ड्रग्ज जप्त केल्याप्रकरणी आर्यन खानला अटक करण्यात आली आहे.

एनसीबीने तीन ऑक्टोबरला आर्यन खानला अटक केली होती. आर्यन खान आणि अरबाज मर्चंट आणि मुनमुन धामेचा या तिघांना नारकोटिक ड्रग्स आणि सायकोट्रॉपिक सब्स्टन्स अॅक्ट (एनडीपीएस) प्रकरणांसाठी विशेष न्यायाधीश व्ही व्ही पाटील यांच्या न्यायालयात जामीन अर्ज केला आहे. अतिरिक्त सॉलिसिटर जनरल (एएसजी) अनिल सिंग यांनी एनसीबीचे म्हणणे मांडले. आर्यन खान गेल्या काही वर्षांपासून मादक पदार्थांचा नियमित ग्राहक होता हे दाखवणारे पुरावे आहेत, असे अनिल सिंह यांनी म्हटले होत. यासह, त्यांनी आर्यन खानच्या व्हॉट्सअॅप चॅटचा हवाला देऊन षड्यंत्रात सहभागी असल्याचा आरोप पुन्हा केला.

आर्यनच्या अटकेपासून, एनसीबी म्हणत आहे की त्याच्याकडून वैयक्तिकरित्या काहीही मिळाले नाही. मात्र, ड्रग्ज तस्करांशी त्याचे संबंध व्हॉट्सअॅप चॅटद्वारे उघड झाले आहेत. एएसजीने पुढे सांगितले की, क्रूझमधील अरबाज मर्चंटकडून जप्त केलेले अंमली पदार्थ आर्यन आणि मर्चंटसाठी होते. आर्यनचे आंतरराष्ट्रीय ड्रग तस्करांच्या सदस्यांशी संबंध असल्याचा दावा एनसीबी करत आहे.

जामीन न मिळाल्याने आर्यन खानला आर्थर रोड जेलमध्ये हलवण्यात आले. आर्यनला एन ९५६ हा नंबर अंडरट्रायल कैदी म्हणून मिळाला. आर्यन खानला कारागृहातील त्याच्या घरातून ४५०० रुपयांची मनीऑर्डरही मिळाली आहे. यासह, तो कॅन्टीनमधून त्यांच्या आवडीचे अन्न आणि पेय मागवू शकतो. इतके दिवस घरापासून दूर असलेल्या आर्यन खानला व्हिडिओ कॉलद्वारे त्याच्या पालकांशी बोलण्याची संधीही मिळाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Aryan khan case aryan khan bail hearing updates abn

Next Story
महाबळेश्वर संमेलन अधिकृत, टोरांटो मात्र अनधिकृत!
ताज्या बातम्या
फोटो गॅलरी