gandhi film foundation footage of dandi yatra and round table conference zws 70 | Loksatta

दांडी यात्रा, गोलमेज परिषदेशी संबंधित चित्रफितींचे जतन ; आधुनिक  पिकल  तंत्रज्ञानाचा वापर

भारत सरकारने यासाठी आर्थिक सहकार्य करावे, अशी अपेक्षा पिकल संस्थेचे प्रतिनिधी रमेश बजाज यांनी व्यक्त केली आहे.

दांडी यात्रा, गोलमेज परिषदेशी संबंधित चित्रफितींचे जतन ; आधुनिक  पिकल  तंत्रज्ञानाचा वापर
महात्मा गांधी

मुंबई : दांडी यात्रा आणि गोलमेज परिषद या राष्ट्रपिता महात्मा गांधी यांच्या जीवनातील दोन महत्त्वाच्या घटना चित्रफीत तंत्रज्ञानाच्या साहाय्याने जतन केल्या जाणार आहेत. गांधी फिल्म फाऊंडेशन आणि पिकल तंत्रज्ञान कंपनी यांनी त्यासाठी पुढाकार घेतला आहे.

महात्मा गांधी यांचे काही काळ वास्तव्य असणाऱ्या ग्रॅण्ट रोड येथील मणी भवनात ऑस्कर अकादमीचे सदस्य आणि सोसायटी ऑफ मोशन पिक्चर अँड टेलिव्हिजन इंजिनीअर्सचे अध्यक्ष तसेच गांधी फिल्म फाऊंडेशनचे विश्वस्त उज्ज्वल निरगुडकर यांना या दोन्ही चित्रफिती सोमवारी पिकल या तंत्रज्ञान कंपनीकडून सुपूर्द करण्यात आल्या. या वेळी पिकल संस्थेचे प्रतिनिधी रमेश बजाज आणि गांधी फिल्म फाऊंडेशनचे अध्यक्ष नितीन पोद्दार उपस्थित होते.

महात्मा गांधी यांच्या जीवनातील महत्त्वाच्या घडामोडींशी संबंधित आणि बायनरी कोड या तंत्रज्ञानाच्या मदतीने जतन केल्या जाणाऱ्या या पहिल्या चित्रफिती असणार आहेत. या चित्रफिती २० डिग्री तापमानात सहजरीत्या जतन होऊ शकतात. या चित्रफितीचा क्यूआर कोड तयार करून त्यावर गांधी फिल्म फाऊंडेशनचा मालकी हक्क असल्याचे नमूद केले आहे. देशाचा इतिहास आणि स्वातंत्र्यलढय़ाशी संबंधित असलेल्यांची माहिती पुढच्या पिढींपर्यंत पोहोचवण्यासाठी या तंत्रज्ञानाचा नक्कीच उपयोग होईल, असा विश्वास गांधी फिल्म फाऊंडेशनचे पोद्दार यांनी व्यक्त केला.

या दोन चित्रफितींच्या जतनासाठी युरोपीय देशांनी आर्थिक सहकार्य केले आहे. भारत सरकारने यासाठी आर्थिक सहकार्य करावे, अशी अपेक्षा पिकल संस्थेचे प्रतिनिधी रमेश बजाज यांनी व्यक्त केली आहे.

एक हजार वर्षे..

महात्मा गांधी यांच्या  अनेक चित्रफिती गांधी फिल्म फाऊंडेशनकडे जतन केल्या जात आहेत. परंतु पिकल तंत्रज्ञानाच्या मदतीने त्या बायनरी कोडच्या स्वरूपात एक हजार वर्षे जतन केल्या जाऊ शकतात. त्यासाठी निधी जमविला जात आहे, अशी माहिती निरगुडकर यांनी दिली.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
भाजपची शुक्रवारपासून तीन दिवस चिंतन बैठक ; राज्यातील महत्त्वाच्या विषयांवर चर्चा

संबंधित बातम्या

मुंबई : ‘मेट्रो २ अ’ आणि ‘मेट्रो ७’चा दुसरा टप्पा : सीएमआरएसच्या चाचण्यांना अखेर सुरुवात ; लवकरच सुरक्षा प्रमाणपत्र मिळणार
पोलीस वसाहतींना एसटी कामगार संघटनांचा विरोध; आंदोलनाचा इशारा, प्रथम विलीनीकरणाची मागणी
“आमच्यामध्ये काय हिंमत आहे हे संजय राऊतांना किमान…”; शंभूराज देसाईंनी दिलं प्रत्युत्तर!
चर्चा सकारात्मक!; प्रकाश आंबेडकर यांच्या भेटीनंतर उद्धव ठाकरे यांचा दावा
विश्लेषण: ओला, उबरसारखी आता ‘बेस्ट’चीही ॲप टॅक्सी सेवा… आणखी कोणत्या सेवा अपेक्षित?

व्हिडिओ

ताज्या बातम्या
“आता मला कामं मिळणंही बंद झालंय, कारण…”; स्वरा भास्करने व्यक्त केली खंत
पुणे : मराठी बालकुमार साहित्य संस्थेमध्ये फूट; शाखांचा संस्थेपासून वेगळे होण्याचा पवित्रा
“जातीभेद मानणे, अस्पृश्यता पाळणे हा राष्ट्रद्रोह, कारण…”, डॉ. आंबेडकरांचा संदर्भ देत माजी न्यायमूर्ती हेमंत गोखलेंचं विधान
“बाबा दुचाकीसाठी सासरचे लोकं मला…”, मृत्यूपुर्वी मुलीची वडिलांना साद
FIFA WC 2022: “मी घाबरलो होतो…” दुखापतीनंतर सावरलेल्या नेमारने शेअर केला वेदनादायी अनुभव