...आणखी एक बळी जाण्याच्या मार्गावर; आठवडाभरपूर्वीच "त्या" जोडप्याचाही झाला होता मृत्यू | Another stork bird on the verge of dying in Gondia district | Loksatta

…आणखी एक बळी जाण्याच्या मार्गावर; आठवडाभरपूर्वीच “त्या” जोडप्याचाही झाला होता मृत्यू

यावर्षी गोंदिया जिल्ह्यात फक्त तीन सारस पक्ष्यांची घरटी मिळाली व त्यातून चार पिलांचा जन्म झाला. त्यातलेच एक पिल्लू गंभीर अवस्थेत आहे.

…आणखी एक बळी जाण्याच्या मार्गावर; आठवडाभरपूर्वीच “त्या” जोडप्याचाही झाला होता मृत्यू
…आणखी एक बळी जाण्याच्या मार्गावर; आठवडाभरपूर्वीच "त्या" जोडप्याचाही झाला होता मृत्यू

नागपूर : आठवडाभरापूर्वी ‘ते’ दोघेही मुक्तपणे फिरत होते, निसर्गाच्या सानिध्यात विहार करत होते, पण अचानक वीज तारा आडव्या आल्या आणि दोघांचाही बळी गेला. गावकरी त्यांचा निष्प्राण देह बघतच राहिले. कुणालाही त्यावर विश्वास नव्हता, पण ते खरे होते. ‘प्रेमाचे प्रतीक’ अशी त्यांची ओळख आहे.

हेही वाचा… नक्षलग्रस्त गडचिरोलीत भांडवलदारांचे राज्य : जयंत पाटील

हेही वाचा… अमरावती : सरपंचपदासाठी मोर्चेबांधणी सुरू; इच्छुकांकडून मतदारांच्या गाठीभेटी

गोंदिया जिल्ह्यात आठवडाभरपूर्वीच सारस पक्ष्यांची एक जोडी विजप्रवाहाने मृत्युमुखी पडली होती. त्याचा तपास पूर्ण होऊन भविष्यातील त्यांचे मृत्यू रोखण्यासाठी प्रयत्न होत नाही तोच शनिवारी पुन्हा एक निमवयस्क सारस पक्षी गंभीर अवस्थेत मिळाला. गोंदिया तालुक्यातील डांगुर्ली गावालगतच्या शेतामध्ये हा पक्षी धडपडताना आढळून आला. जवळच काही अंतरावर काही अन्य पक्षी मृत अवस्थेत मिळालेली आहेत. प्राथमिक अंदाजानुसार, विषबाधेमुळे हा सारस पक्ष अत्यवस्थ झाला असावा, असे वाटते आहे. काही लोक पक्ष्यांची शिकार करण्यासाठी विषबाधा करून पक्षी मारतात, त्याकरिता ते काही ठराविक किटकनाशकांचा (organophosphate groupच्या किटकनाशकांचा) वापर करतात . यावर्षी गोंदिया जिल्ह्यात फक्त तीन सारस पक्ष्यांची घरटी मिळाली व त्यातून चार पिलांचा जन्म झाला. त्यातलेच एक पिल्लू गंभीर अवस्थेत आहे. अशा घटना आणि प्रकार बघता पुन्हा एकदा सारस संरक्षणातकरिता भक्कम तरतूद व उपाययोजना अंमलात आणण्याची गरज मानद वन्यजीव रक्षक सावन बाहेकर यांनी व्यक्त केली आहे.

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 26-11-2022 at 14:03 IST
Next Story
नक्षलग्रस्त गडचिरोलीत भांडवलदारांचे राज्य: जयंत पाटील