स्वप्नील जोशीच्या मुलाचा नामकरण सोहळा

महाराष्ट्राचा लाडका सुपरस्टार स्वप्नील जोशीला नुकताच पुत्ररत्न झाला. २६ जानेवारीला लहानग्या कृष्णाचे नाव 'राघव' ठेवण्यात आले. जोशींच्या नंदनवनात 'राघव'चे स्वागत अगदी थाटामाटात झाले. पहा सुपरस्टार बाबांच्या कुशीतील गोंडस 'राघव'चे फोटो...स्वप्नील आणि लीना १६ डिसेंबर २०११ ला विवाहबंधनात अडकले. त्यांना मायरा ही दीड वर्षांची मुलगी आहे. मायराचा जन्म २३ मे २०१६ झाला. आता राघवच्या येण्याने स्वप्निल- लीनाचे चौकटी कुटुंब पूर्ण झाले असेच म्हणावे लागेल. विशेष म्हणजे या चिमुकल्याच्या आगमनाच्या आदल्या दिवशीच स्वप्नीलच्या आईचा वाढदिवस असल्याने जोशी कुटुंबीयांचा आनंद द्विगुणीत झाला. सध्या स्वप्नील आणि लीनावर सोशल मीडियामार्फत शुभेच्छांचा वर्षाव होत आहे. इंडस्ट्रीतील अनेक मित्र-मैत्रीणीही या चिमुकल्याला पाहायला स्वप्नीलच्या घरी आवर्जुन भेट देत आहेत.