आदिनाथ- उर्मिलाच्या चिमुकलीचे नाव कळले का?

मराठी सिनेसृष्टीतील प्रसिद्ध जोडी आदिनाथ आणि उर्मिला कोठारे यांना १८ जानेवारीला कन्यारत्न झाले. आदिनाथने त्याच्या सोशल मीडिया अकाऊंटवरून मुलगी झाल्याची गोड बातमी दिली होती. मुलीच्या जन्मानंतर उर्मिलाने तिचे काही फोटो सोशल मीडियावर शेअर केले होते. पण त्यात तिचा चेहरा मात्र दिसत नव्हता.आता मुलीच्या बारशाच्या निमित्ताने आदिनाथ आणि उर्मिलाने त्यांच्या मुलीचा चेहरा सर्वांना दाखवला. दोघांनी मुलीचे नाव जिजा असे ठेवले. जिजाचे बारशाचे फोटो सध्या सोशल मीडियावर भलतेच व्हायरल होत आहेत.उर्मिला आणि आदिनाथने अगदी मराठमोळा पेहराव केला होता. तर जिजालाही खणाचं परकर पोलकं घातलं आहे. उर्मिलाने यावेळी हिरव्या रंगाची साडी नेसली होती. या साडीला साजेसे दागिनेही तिने घातले होत. तर आदिनाथने सदरा पायझमा आणि त्यावर कोट घातला होता. आदिनाथने यावेळी मराठमोळा फेटाही बांधला होता. या तिघांच्या फोटोंवरुन त्यांच्या चाहत्यांची नजर हटत नाही हे मात्र खरं.पहिलं बाळ हे प्रत्येक दाम्पत्याच्या आयुष्यात नवे अनुभव घेऊन येतं. आदिनाथ आणि उर्मिला सध्या हात अनुभव घेत असतील यात काही शंका नाही. उर्मिला आणि आदिनाथ दोघंही सोशल मीडियावर सतत सक्रीय असल्याने त्यांच्या आयुष्यातील आनंदाचा क्षण ते आपल्या चाहत्यांसोबत शेअर करत असतात. यावेळीही त्यांनी जिजाचे काही फोटो सोशल मीडियावर शेअर केले. महेश कोठारे यांनीही त्यांच्या सोशल मीडिया अकाऊंटवरून जिजाच्या बारशाचे काही फोटो शेअर केले.