‘देवमाणूस’ मालिकेतील सरु आजीच्या भन्नाट म्हणी सोशल मीडियावर चर्चेत

1/25

छोट्या पडद्यावरील काही मालिका या अत्यंत कमी वेळात लोकप्रिय होतात. त्यातलीच एक मालिका म्हणजे 'देवमाणूस'.

2/25

अभिनेता किरण गायकवाड याची मुख्य भूमिका असलेली ही मालिका सध्या लोकप्रिय मालिकांपैकी एक आहे.

3/25

विशेष म्हणजे या मालिकेतील सरु आजी सध्या चांगल्याच लोकप्रिय होत असून तरुणाईमध्ये त्यांच्या हटके म्हणींची क्रेझ असल्याचं दिसून येत आहे.

4/25

सरु आजींची ही भूमिका अभिनेत्री रुक्मिणी सुतार या साकारत असून उत्तम अभिनयशैलीच्या जोरावर त्या प्रेक्षकांच्या मनात स्थान मिळवत आहेत.

5/25

रंग झाला फिका अन् कोणी देईना मुका.. यांसारख्या भन्नाट म्हणींमुळे 'देवमाणूस' या मालिकेतील सरु आजी सध्या सोशल मीडियावर धुमाकूळ घालतायत.

6/25

मालिकेत काम करणाऱ्या सरु आजींनी जुन्या म्हणींना पुन्हा वैभव प्राप्त करुन दिलंय.

7/25

आपलीच मोरी आणि धुवायची चोरी…

8/25

चव ना धव अन् पोटभर जेव…

9/25

बारा लुगडी अन् सदा उघडी…

10/25

घेणं ना देणं गावभर फिरून येणं…

11/25

पळणाऱ्याची एक वाट आणि शोधणाऱ्याच्या बारा वाटा…

12/25

अंगात नाय बळ आणि चिमटा काढून पळ…

13/25

पोटापाण्याचा नाय पत्ता अन् म्हणती माझीच सत्ता…

14/25

चेहरा भोळा अन् भानगडी सोळा…

15/25

खातंय बोकडावानी अन् दिसतंय लाकडावानी!

16/25

अंगात नाही करणी अन् मला म्हणा तरणी…

17/25

कानात बुगडी अन् गावात फुगडी…

18/25

आधीच हौस अन् त्यात पडला पाऊस…

19/25

नवरा जातोय नवरीसाठी अन् वऱ्हाड जातंय जेवणासाठी…

20/25

कशात काय अन् फाटक्यात पाय…

21/25

देणं ना घेणं अन् फुकटचं मधी पडणं…

22/25

तोंडात गोड अन् मनात खोड…

23/25

देव बी नेईना आणि घरात कोणी चहा बी देईना…

24/25

आपलं नाय धड अन् शेजाऱ्याची कड…

25/25

सरु आजीची भूमिका साकारणाऱ्या रुक्मिणी सुतार या ७० वर्षांच्या आहेत. त्यांनी याआधी अनेक मालिकांमध्ये छोट्या-छोट्या भूमिका साकारल्या आहेत. अभिनय क्षेत्रात जवळपास गेल्या दहा वर्षांपासून त्या काम करत आहेत. पण 'देवमाणूस' या मालिकेतील सरु आजींच्या भूमिकेमुळे त्या प्रकाशझोतात आल्या आहेत. (सर्व फोटो सौजन्य : इन्स्टाग्राम, युट्यूब)