“सुंदर निरागस हे रुप तुझे…”, परीचा हटके अंदाज

झी मराठीवर वाहिनीवरील ‘माझी तुझी रेशीमगाठ’ ही मालिका सध्या चांगलीच लोकप्रिय ठरत आहे. मालिकेच्या पहिल्या भागापासून ती प्रेक्षकांच्या पसंतीस उतरताना पाहायला मिळत आहे. श्रेयस तळपदे आणि प्रार्थना बेहरे या दिग्गज कलाकारांसोबतच परी म्हणजेच मायरा वैकुळ ही प्रेक्षकांचं लक्ष वेधून घेत आहे.मायरा ही महाराष्ट्रातील तमाम प्रेक्षकांची लाडकी बनली आहे. निखळ आणि मस्तीखोर स्वभावामुळे तिची एक वेगळी ओळख निर्माण झाली आहे. सध्या नेटकऱ्यांकडून मायरावर प्रेमाचा अक्षरशः वर्षाव केला जात आहे.मालिका सुरु होण्याच्या आधीपासून मायराचा चाहता वर्ग निर्माण झाला आहे.‘आहे परी तर डोन्ट वरी’ असं म्हणत आपल्या निरागस अभिनयाने मायराने प्रेक्षकांचं टेन्शन दूर करत त्यांच्या मनात एक अढळ स्थान बनवलं आहे.मालिकेतील परीचा निरागसपणा प्रेक्षकांना भावतोय.परी ही सगळ्यांना आपल्यातील एक वाटत असल्याने अनेक चाहते तिच्यावर वेगवेगळ्या प्रकारे प्रेम व्यक्त करताना दिसत आहे. (सर्व फोटो सौजन्य- मायरा वैकुळ/ इन्स्टाग्राम)