फक्त ५० रुपयांसाठी अनिल अंबानींच्या लग्नात जेवण वाढायला गेली होती ‘ही’ अभिनेत्री; आता आहे कोट्यवधींची मालकीण

अभिनेत्री राखी सावंत तिच्या बोल्ड वक्तव्यांसाठी चर्चेत असते. ती अनेक विषयांवर बेधडकपणे तिचं मत मांडत असते. राखीचा चित्रपटसृष्टीत येण्याचा प्रवास सोपा नव्हता. राखाची कौटुंबीक परिस्थिती हलाखीची असल्याने तिचं बालपण खूप गरीबीमध्ये गेलं. अगदी दोन वेळच्या जेवणाचीही भ्रांत असल्याने राखीला कमी वयातच मिळेल ते काम करावं लागलं. राखीने फक्त ५० रुपयांसाठी अंबानी कुटुंबातील एका लग्नात जेवण वाढलं होतं. होय. राखी सावंतने अनिल अंबानी आणि टीना अंबानी यांच्या लग्नात फक्त ५० रुपयांसाठी जेवण वाढलं होतं. अनिल अंबानी आणि टीना यांचं लग्न १९९१ साली झालं. तेव्हा राखी ११ वर्षांची होती. १९९७ साली आलेल्या अग्निचक्र चित्रपटात राखीने काम केलं होतं. त्यानंतर तिला अनेक चित्रपटांमध्ये लहानलहान भूमिका मिळू लागल्या. राखी सावंतचं खरं नाव निरू भेदा असून ती मुंबईतील एका चाळीत कुटुंबाबरोबर राहायची. घरची परिस्थिती बेताची असल्याने ती लग्नांमध्ये जेवण वाढायला जायची. तेव्ही तिला दिवसाला ५० रुपये मजुरी मिळायची. बऱ्याच संघर्षानंतर इथे पोहोचलेल्या राखीचे आता मुंबईतील स्वतःचे घर आहे. तिच्याजवळ बरेच फ्लॅट, कोट्यवधींची संपत्ती आणि महागड्या गाड्यादेखील आहेत. तिच्या रिलेशनशिपमुळे कायम चर्चेत राहणारी राखी सध्या आदिल खान दुर्रानीला डेट करत आहे. राखी आणि आदिल एकमेकांबरोबर वेळ घालवताना दिसतात. दोघंही लवकरच लग्न करणार असल्याचंही म्हटलं जातंय. (सर्व फोटो राखी सावंतच्या सोशल मीडिया अकाउंट्सवरून साभार) हेही वाचा - Photos: २० वर्षांपासून लिव्ह इनमध्ये राहतेय ‘ही’ लोकप्रिय अभिनेत्री; एकाच मालिकेत काम करताना सहअभिनेत्याशी झालं होतं प्रेम