Photos : मुलाच्या वाढदिवसानिमित्त श्वेता तिवारीचं खास सरप्राइज; फोटो पोस्ट करत म्हणाली, “आतापर्यंतचा…”

टीव्ही अभिनेत्री श्वेता तिवारी तिच्या जबरदस्त लुक्सबरोबरच तिच्या वैयक्तिक आयुष्याला घेऊनही सोशल मीडियावर चर्चेत असते. सध्या तिचे आपल्या मुलाबरोबरचे फोटो सोशल मीडियावर व्हायरल झाले आहेत. नुकतंच श्वेताने तिच्या मुलाचा म्हणजेच रेयांशचा वाढदिवस अगदी धुमधडाक्यात साजरा केला. श्वेताने आपल्याला मुलाचा वाढदिवस खास करण्यासाठी त्याला एक हटके सरप्राइज दिले आहे. याचे फोटो तिने आपल्या सोशल मीडियावर पोस्ट केले आहेत. श्वेताने आपल्या मुलाचा सहावा वाढदिवस इमॅजिका अम्युजमेंट पार्कमध्ये साजरा केला आहे. श्वेताने मुलाच्या वाढदिवसाचे फोटो पोस्ट करत या सुट्टीला 'बेस्ट हॉलिडे' म्हटले आहे. या फोटोमध्ये ती आपल्या मुलासह अम्युजमेंट पार्कमध्ये मजा करताना दिसत आहे. यावेळी ते स्नोपार्क, वॉटरपार्क या ठिकाणी मजामस्ती करताना दिसले. यावेळी श्वेतची मैत्रीण आणि तिचे मूलही त्यांच्याबरोबर होते. श्वेता यावेळी खूपच सुंदर दिसत होती. ती आपल्या मुलाबरोबर क्वालिटी टाइम घालवत होती. मुलाला आनंद व्हावा म्हणून तिने हे सरप्राइज प्लॅन केले होते. यावेळी रेयांशही खूप खुश दिसत होता. रेयांश हा श्वेता तिवारीचा दुसरा नवरा अभिनव कोहलीचा मुलगा आहे. श्वेता आणि अभिनव यांचे २०१३ साली लग्न झाले होते. (सर्व फोटो : श्वेता तिवारी/इन्स्टाग्राम)