आधी शिक्षिका नंतर ८ वर्षे मोठ्या मुलीवर प्रेम, विरोधानंतर हाताची नस कापली अन्… अभिनेत्याचा वैयक्तिक आयुष्याबदद्ल खुलासा

प्रसिद्ध नाटककार व अभिनेते पियुष मिश्रा त्यांच्या अष्टपैलू अभिनयासाठी ओखळले जातात. त्यांनी आतापर्यंत अनेक चित्रपटांमध्ये काम केलंय. ते संगीतकारही आहेत, तसेच ते कविताही लिहितात. पियुष मिश्रा यांनी आपल्या जीवन प्रवासाला पुस्तकाचे रूप दिले आहे. पियुष यांनी त्यांचं आत्मचरित्र लिहिलं आहे. त्याला ‘तुम्हारी औकात क्या है पीयूष मिश्रा’ असं नाव दिलंय. पहिल्यांदा पियुष मिश्रा १०वीत असताना प्रेमात पडले होते. त्यानंतर दुसऱ्यांदा ते प्रेमात पडले, तेव्हा ते कॉलेजमध्ये होते. त्यावेळी ते २० वर्षांचे होते. वडिलांच्या सांगण्यावरून त्यांनी डॉक्टर बनण्यासाठी कॉलेजमध्ये प्रवेश घेतला होता, पण त्याचवेळी कलेची आवड असल्याने ते कला मंदिरातही जायचे. तिथे त्यांची भेट एका २८ वर्षांच्या मुलीशी झाली. ते त्या मुलीची निरागसता व सौंदर्याच्या प्रेमात पडले. रोज ते सायकल घेऊन त्या मुलीला घरी सोडायला जायचे आणि वाटेत पाणीपुरी खायचे. ग्वाल्हेर शहर लहान होते आणि लोक पियुषच्या वडिलांना ओळखत होते. त्यामुळे या दोघांबद्दल कोणीतरी घरी सांगितलं. खरं तर ते दोघेही मित्र होते, पण त्या काळी मुलीबरोबर फिरणं मोठी गोष्ट होती. ही बातमी कळताच पियुष यांच्या आई संतापल्या. ती मुलगी जिथे काम करायची, तिथे त्या पोहोचल्या आणि त्यांनी त्या मुलीला सुनावलं. पियुष यांना हा प्रकार कळताच त्यांनी रागाच्या भरात आपल्या हाताची नस कापली. पियूष यांनी पुस्तकात लिहिलंय, "सर्वजण ड्रॉईंग रूममध्ये बसले होते. मी सरळ माझ्या खोलीत गेलो आणि दरवाजा बंद केला. ब्लेड काढले आणि हाताची नस कापली." पुढे ते म्हणाले, "त्या दिवसापासून वडील आणि मुलाचे नाते संपुष्टात आले. नंतर आयुष्यभर मी वडिलांना सर म्हणायचो." काही काळानंतर पीयूष यांनी नॅशनल स्कूल ऑफ ड्रामामध्ये प्रवेश घेतला आणि ते दिल्लीला आले. इथं त्यांची भेट प्रियाशी झाली, दोघांची लव्ह स्टोरी खूप फिल्मी होती. दोघांनी पळून जाऊन लग्न केले होते. दोघांच्या लग्नाला आता २८ वर्षे पूर्ण झाली आहेत. पियुष आणि प्रिया यांना जोश आणि जय ही दोन मुलं आहेत.