IIFA पुरस्कार सोहळ्यात जिनिलीया देशमुखचा ग्लॅमरस अंदाज; नेटकरी म्हणतात, “वहिनीसाहेब एकदम…”

बॉलीवूड अभिनेता रितेश देशमुख आणि अभिनेत्री जिनिलीया देशमुख यांची जोडी नेहमीच चर्चेत असते. 'आयफा २०२३' पुरस्कार सोहळ्याला रितेश-जिनिलीयाने हजेरी लावली होती. यावेळी जिनिलीयाच्या लुकने सर्वांचे लक्ष वेधून घेतले होते. पुरस्कार सोहळ्यासाठी जिनिलीयाने खास काळ्या रंगाची साडी नेसून त्यावर मोठे कानातले घातले होते. रितेशने याउलट पांढऱ्या रंगाचा कोट घातला होता. परदेशात संपन्न झालेल्या 'आयफा' पुरस्कार सोहळ्यामध्ये रितेश-जिनिलीयाच्या 'वेड' चित्रपटाला प्रादेशिक चित्रपटसृष्टीतील उत्कृष्ट कामगिरीसाठी पुरस्कार मिळाला. या वेळी जिनिलीयाच्या लुकने उपस्थितांचे लक्ष वेधून घेतले. काळ्या साडीत ती अतिशय सुंदर दिसत होती. जिनिलीयाने 'आयफा २०२३' पुरस्कार सोहळ्याचे अनेक फोटो इन्स्टाग्रामवर शेअर केले आहेत. जिनिलीयाच्या पोस्टवर तिच्या चाहत्यांनी "वहिनीसाहेब एकदम सुंदर", "वहिनी नेहमीच सुंदर दिसतात" अशा कमेंट केल्या आहेत. जिनिलीयाने शेअर केलेल्या फोटोंवर अमृता खानविलकरने सुद्धा "बापरे खूपच सुंदर..." अशी कमेंट करीत तिचे कौतुक केले आहे. 'आयफा' पुरस्कार स्वीकारताना 'वेड' चित्रपटाला दिलेल्या प्रतिसादाबद्दल रितेश-जिनिलीयाने प्रेक्षकांचे आभार मानले आहेत.