“मी आधी मॅडम म्हणायचो, पण आता…”, अमिताभ बच्चन पत्नी जया बच्चनना ‘या’ नावाने मारतात हाक

महानायक अमिताभ बच्चन व ज्येष्ठ अभिनेत्री जया बच्चन यांच्या सहजीवनाची ५० वर्षे पूर्ण झाली आहेत. अमिताभ बच्चन जया यांना कोणत्या नावाने हाक मारतात, याबाबतचा खुलासा त्यांनी स्वतः केला आहे. 'कौन बनेगा करोडपती'मध्ये बिहारचे सुजित कुमार पोहोचले होते. बिग बी होस्ट करत असलेल्या शोमध्ये ते आपल्या पत्नीबरोबर आले होते. सुजित यांनी आपण पत्नीला मॅडम म्हणून हाक मारत असल्याचं सांगितलं. तसेच त्याने बिग बींना प्रश्नही विचारला. आपणही आधी जया बच्चन यांना मॅडम म्हणून हाक मारायचो, असं अमिताभ बच्चन यांनी सांगितलं. आता तुम्ही त्यांना कोणत्या नावाने हाक मारता असं सुजितने विचारलं. उत्तर देत बिग बी म्हणाले, "मी त्यांना देवीजी म्हणून हाक मारतो." अमिताभ बच्चन व जया बच्चन यांनी १९७३ साली लग्न केल होतं. त्यांना श्वेता व अभिषेक ही दोन अपत्ये आहेत. (सर्व फोटो - श्वेता बच्चन इन्स्टाग्रामवरून साभार)