‘सैराट’ ला आठ वर्षे पूर्ण! अवघ्या चार कोटींचं बजेट असलेल्या चित्रपटाने जगभरात कमावले होते तब्बल…

'सैराट' चित्रपट प्रदर्शित होऊन आज आठ वर्षे झाली आहे. 'सैराट' हा मराठीतील सर्वात सुपरहिट चित्रपटांपैकी एक आहे. आठ वर्षांपूर्वी प्रदर्शित झालेल्या या चित्रपटाने बॉक्स ऑफिस गाजवलं होतं. हा चित्रपट फक्त मराठीच नाही तर इतर भाषिक प्रेक्षकांच्या पसंतीस पडला होता. ऑनर किलिंगसारख्या विषयावर आधारित या चित्रपटाचं दिग्दर्शन नागराज मंजुळे यांनी केलं होतं. सैराटमध्ये रिंकू राजगुरू व आकाश ठोसर यांच्या प्रमुख भूमिका होत्या. रिंकू राजगुरूने या चित्रपटाला आठ वर्षे पूर्ण झाल्यानिमित्त खास फोटो शेअर केले आहेत. अवघ्या चार कोटींचं बजेच असलेल्या या चित्रपटाने बॉक्स ऑफिसवर जबरदस्त कमाई केली होती. 'सैराट' चित्रपटाने भारतात १०४ कोटी रुपये कमावले होते. जगभरात या चित्रपटाने ११० कोटी रुपयांचं बॉक्स ऑफिस कलेक्शन केलं होतं. या चित्रपटातून पदार्पण करणाऱ्या आकाश व रिंकू यांनाही खूप लोकप्रियता मिळाली. हा चित्रपट सुपरहिट झाल्यावर याचा हिंदीतही रिमेक बनविण्यात आला होता. 'धडक' नावाच्या हिंदी रिमेकमध्ये जान्हवी कपूर व ईशान खट्टर यांच्या मुख्य भूमिका होत्या. या चित्रपटानेही बॉक्स ऑफिसवर चांगली कमाई केली होती. (फोटो - रिंकू राजगुरू व नागराज मंजुळे इन्स्टाग्राम)