ज्या चंदीगढमध्ये ‘झापड’ प्रकरण घडलं, त्याच शहरात कंगना रणौत यांनी चुलत भावाला गिफ्ट केलं घर, फोटो पाहिलेत का?

बॉलीवूड अभिनेत्री कंगना रणौत या नुकत्याच हिमाचल प्रदेशातील मंडी येथून खासदार झाल्या आहेत. कंगना या त्यांच्या कुटुंबासोबत आपल्या चुलत भावाच्या घरी आहेत. कंगना यांचा भाऊ वरुण रणौतचं नुकतंच लग्न झालं. आता ‘क्वीन’ने नवविवाहित जोडप्याला चंदीगडमध्ये एक सुंदर घर भेट म्हणून दिलं आहे. काही दिवसांपूर्वी याच चंदीगढमध्ये एका महिला कॉन्स्टेबलने कंगना यांना कानशिलात लगावली होती. त्याच शहरात आता त्यांनी भावाला एक सुंदर घर भेट म्हणून दिलं आहे. वरुण राणौतने त्याच्या इन्स्टा हँडलवर पत्नी सीमाबरोबरचे लग्नातील काही फोटो शेअर केले आहेत. यामध्ये ते दोघेही जवळच्या लोकांच्या उपस्थितीत काही विधी करताना दिसत आहेत. कंगना रणौत या सोहळ्यात सहभागी झाल्या होत्या. “जवळच्या लोकांबरोबर नवीन घरात नवीन सुरुवात. कंगना रणौत तुमच्या येण्याने घराची आणि कार्यक्रमाची शान वाढली आहे. इतके सुंदर घर, तुमचे प्रेमे आणि आशीर्वादांसाठी खूप खूप धन्यवाद. वरुण आणि सीमा”, असं कॅप्शन त्याने या फोटोंना दिलं आहे. (सर्व फोटो - वरुण रणौत इन्स्टाग्राम)