फ्रीजमध्ये या भाज्या चुकूनही ठेवू नका, आरोग्यासाठी हानीकारक ठरू शकतं

आजकालच्या धकाधकीच्या काळात स्वयंपाक पटकन करण्यासाठी अनेक आधुनिक साधनसामुग्रीची मदत होते. नोकरी करणाऱ्या महिलांसाठी फ्रीज तर एक वरदानच आहे. कारण फ्रीजमध्ये अन्नपदार्थांसोबतच फळं, भाज्या, दूध असे अनेक नाशिवंत पदार्थ बरेच दिवस टिकवून ठेवता येतात. पण फ्रीजमध्ये काही फळं आणि भाज्या ठेवू नयेत. या भाज्या फ्रिजमध्ये ठेवून खाल्ल्यास तुमची तब्बेत बिघडू शकते. लसूण किंवा लसणाच्या पाकळ्या कधीही रेफ्रिजरेटरमध्ये ठेवू नयेत. लसूण फ्रिजमध्ये ठेवल्यास त्याला पोषक वातावरण मिळते. यापासून ते बीज स्वरूपात अंकुरित होतं. काकड्याही फ्रीजमध्ये ठेवू नयेत. जर काकडी १० डिग्री सेल्सियसपेक्षा कमी तापमानात ठेवली तर तिचा वरचा थर वेगाने सडू लागतो. त्यामुळे इतर भाज्यांनाही हानी पोहोचू शकते. बटाट्यामध्ये भरपूर स्टार्च असते. बटाटे फ्रीजमध्ये ठेवल्यास स्टार्चचे साखरेत रूपांतर होते. असा बटाटा मधुमेहाच्या रुग्णाला खाऊ घातल्यास साखर झपाट्याने वाढण्याची शक्यता असते. कांदाही फ्रीजमध्ये ठेवू नये. त्यामुळे कांद्याची कडक होण्याची क्षमता मऊ होते. त्यामुळे कांद्यामधून नैसर्गिक घटक संपुष्टात येऊ लागतात. कांदे नेहमी कडक सूर्यप्रकाशापासून आणि अतिशय थंड हवामानापासून दूर ठेवा. (All Photos: Freepik)