एका दिवसात फक्त ‘इतक्या’च पोळ्या खाणे आरोग्यासाठी फायदेशीर; जाणून घ्या अतिसेवनाचे दुष्परिणाम

कोणत्याही गोष्टीचे अतिसेवन आपल्या आरोग्यासाठी अपायकारक ठरू शकते. आपल्या देशात पोळ्या हा एक दैनंदिन आहार आहे. पोळ्या खाणे आरोग्यासाठी फायदेशीर मानले जाते. मात्र, पोळीमध्ये कार्ब्सचे प्रमाण जास्त असल्याने याचे अतिसेवन घातक ठरू शकते. पोळीमध्ये ग्लुटेनचे प्रमाण अधिक असल्याने शरीरात कार्बोहायड्रेट वाढते आणि फॅट जमा होते. रोज किती पोळ्या खाव्यात हे आपले आरोग्य आणि शरीराच्या कार्बच्या गरजेवर अवलंबून आहे. जर तुम्हाला शरीरातील कार्ब्सचे प्रमाण कमी करायचे असेल तर तुम्ही पोळ्यांचे सेवन कमी करावे. एका सहा इंचच्या पोळीमध्ये 3 ग्राम प्रोटीन, 0.4 ग्राम फायबर आणि 15 ग्राम कार्ब्स असतात. जर तुम्ही दैनंदिन 250 ग्राम कार्ब्सचे लक्ष निर्धारित केले असेल आणि यातील 75% भाग पोळ्यांसाठी असेल तर तुम्ही दिवसाला जवळपास 5 चपत्या खाऊ शकता. सामान्य व्यक्तीसाठी कार्ब्सच्या सेवनाचे आदर्श प्रमाण 3-7 ग्राम इतके आहे. 72 किलोच्या व्यक्तीने दैनंदिन 220-500 ग्राम कार्ब्सचे सेवन करणे आवश्यक आहे. अशावेळेस दैनंदिन 15-16 पोळ्या खालल्यास शरीराची कार्ब्सची गरज पूर्ण होऊ शकते. मात्र, आपण खात असलेल्या इतर अन्नपदार्थांमधूनही आपण कार्ब्सचे सेवन करत असतो हे विसरून चालणार नाही. येथे देण्यात आलेली माहिती गृहीतके आणि सामान्य माहितीवर आधारित आहे. अधिक महितीकरिता तज्ञांचा सल्ला घ्यावा. सर्व फोटो : Freepik आणि Pexels