मूग डाळ खाण्याचे ‘हे’ फायदे वाचून व्हाल थक्क; गर्भवती महिला किती प्रमाणात याचे सेवन करू शकतात?

मूग डाळीमध्ये फोलेट, मॅग्नेशियम आणि व्हिटॅमिन बी ६ सारख्या जीवनसत्त्वे आणि खनिजे देखील भरपूर असतात. मूग हे वनस्पती-आधारित प्रथिने आणि फायबरचे उत्कृष्ट स्त्रोत आहेत, जे पचनास मदत करतात आणि बद्धकोष्ठता टाळतात. मुगाच्या डाळीमध्ये चरबीचे प्रमाण कमी असते आणि त्यामुळे हृदयाचे आरोग्य चांगले राहते. मुगाच्या डाळीचा ग्लायसेमिक इंडेक्स कमी असल्याने, मूग हळूहळू रक्तप्रवाहात साखर सोडते. मधुमेह असलेल्या लोकांसाठी ही डाळ आरोग्यदायी पर्याय बनतो, असे आरोग्य तज्ञांचे म्हणणे आहे. तज्ज्ञांच्या मते गर्भवती महिलांना मुगाच्या डाळीचा खूप फायदा होऊ शकतो. मुगातील लोह अशक्तपणापासून बचाव करण्यास मदत करते. आणि प्रथिने गर्भाच्या वाढीस पूरक असतात. गर्भधारणेदरम्यान विशिष्ट आहाराच्या सल्ल्यासाठी स्त्रीरोगतज्ञ किंवा पोषणतज्ञांचा सल्ला घेणे नेहमीच शिफारसीय आहे. मूग हे आपल्या आरोग्यासाठी पौष्टिक आहे, परंतु भिजलेले मूग, अंकुर फुटलेले मूगांमधील पौष्टिकता कमी करु शकते. काही व्यक्तींना मुगाच्या ऍलर्जीचा अनुभव येऊ शकतो, ज्यात पुरळ उठणे, श्वासोच्छवासाचा त्रास किंवा गॅस्ट्रोइंटेस्टाइनल समस्या समाविष्ट आहेत.