Photos: ‘या’ राशीच्या लोकांसाठी यंदाची मकरसंक्रांत ठरणार गोड? आर्थिक लाभासह प्रगतीचे मार्ग उघडू शकतात

हिंदू कॅलेंडरनुसार, दरवर्षी पौष महिन्यात सूर्य मकर राशीत प्रवेश करतो त्या तारखेला मकर संक्रांती म्हणून साजरी केली जाते. या दिवशी हिंदू धर्मात, सूर्यदेवाची विशेष पूजा केली जाते. मकर ही एक रास असून सूर्य एका राशीतून दुसऱ्या राशीत प्रवेश करण्याच्या प्रक्रियेला संक्रांती असे म्हटले जाते. तर मकर संक्रांतीच्या दिवशीच सूर्य मकर राशीत प्रवेश करतो. म्हणून याला मकर संक्रांती म्हणतात, अशी मान्यता आहे. अवधूत शेंभेकर गुरुजी यांनी लोकसत्ताला याबाबत दिलेल्या माहितीनुसार संक्रातीचा पुण्यकाळ सोमवार १५ जानेवारी २०२४ रोजी सुर्योदयापासून सुर्यास्तापर्यंत असेल. धार्मिक मान्यतांनुसार, एखाद्या व्यक्तीच्या कुंडलीत सूर्य बलवान असेल तर लवकरच त्याचे चांगले भाग्य सुरू होऊ शकते. मकर या शनीच्या राशीमधील सूर्याचा प्रवेश अनेक राशीच्या लोकांसाठी आर्थिक आणि कौटुंबिकदृष्ट्या सकारात्मक परिणाम देऊ शकतो. ज्योतिषशास्त्रानुसार सूर्य मकर राशीत प्रवेश केल्यावर कोणत्या राशीच्या लोकांना आर्थिक फायदा होऊ शकतो ते जाणून घेऊया. सूर्याच्या मकर राशीतील प्रवेशामुळे मेष राशीच्या लोकांना त्यांच्या कामात यश मिळू शकते. तसेच करिअरमध्ये वेगवेगळ्या संधी निर्माण होऊ शकतात. नोकरी करणाऱ्या लोकांना चांगल्या संधी मिळू शकतात. इतकेच नाही तर परदेशात जाण्याचीही शक्यता असेल. जोडीदाराशी प्रामाणिक राहाल. वृषभ राशीच्या लोकांसाठी हे ग्रहपरिवर्तन फायदेशीर ठरू शकते. त्यांना चांगल्या संधी मिळू शकतात. परदेशात नोकरी करणाऱ्या लोकांसाठीही हा काळ यश देऊ शकतो. गुंतवणुकीतून चांगला नफा होण्याची शक्यता आहे. तसेच जोडीदाराबरोबरचे नाते सकारात्मक राहील. सिंह राशीच्या लोकांना चांगले यश आणि मानसन्मान मिळण्याची शक्यता आहे. भागीदारीत व्यवसाय करणाऱ्यांना भागीदाराकडून उत्तम सहकार्य मिळू शकते. स्वतःचा व्यवसाय असणाऱ्या लोकांसाठी ही वेळ फायदेशीर ठरू शकते. तसेच नोकरी करणाऱ्या लोकांना त्यांच्या कामातून यश आणि मानसन्मान मिळू शकतो. वृश्चिक राशीच्या लोकांना त्यांच्या प्रयातनातून यश मिळू शकते. कामानिमित्त केलेल्या प्रवासातून फायदा होऊ शकतो. भागीदाराबरोबरचे संबंध दृढ होऊ शकतात. मीन राशीच्या लोकांना करिअरमध्ये उत्तम संधी मिळू शकतात. तसेच नोकरी करणाऱ्यांना बढती मिळण्याची शक्यता आहे. काही गोष्टी अशा घडू शकतात ज्यामुळे या लोकांना आश्चर्याचा धक्का बसू शकतो, मात्र या गोष्टीतून आनंदही मिळू शकतो. मीन राशीच्या लोकांना आर्थिक लाभ मिळवण्याच्या अनेक संधी निर्माण होऊ शकतात. तसेच जोडीदाराशी नाते घट्ट होऊ शकते. येथे देण्यात आलेली माहिती गृहीतके आणि सामान्य माहितीवर आधारित आहे. अधिक महितीकरिता तज्ञांचा सल्ला घ्यावा. (Photos : freepik)