Dasara 2025: दसऱ्याला सोने खरेदी केल्याने काय होते? 'घरात धन-धान्य...'

Dussehra 2025: दसरा हा साडेतीन मुहूर्तांपैकी एक अत्यंत शुभ मुहूर्त मानला जातो. (सर्व फोटो सौजन्य : Pexels) अनेक कुटुंबांमध्ये दसऱ्याच्या निमित्ताने कुटुंबातील सदस्यांसाठी, विशेषत: महिलांसाठी, सोने किंवा चांदी खरेदी करण्याची पद्धत आहे. या दिवशी सोने खरेदी करणे हे सुख, समृद्धी आणि संपत्ती वाढवणारे असते, अशी लोकांची श्रद्धा आहे. सोने हे लक्ष्मीचे आणि ऐश्वर्याचे प्रतीक मानले जाते, त्यामुळे घरात धन-धान्य टिकावे या हेतूने ते खरेदी केले जाते. दसरा म्हणजे वाईटावर चांगल्याच्या विजयाचा दिवस. या शुभ दिवशी नवीन गोष्टींची सुरुवात करणे किंवा मौल्यवान वस्तू खरेदी करणे विजय आणि यश देणारे मानले जाते. सराफा बाजारात सोन्याचे भाव गेल्या काही दिवसांपासून गगनाला भिडलेत. आज, बुधवारी ०१ ऑक्टोबर २०२५ रोजी देशात १० ग्रॅम २४ कॅरेट सोन्याचा दर ११७,६२० रुपये आहे. तर २२ कॅरेटसाठी १० ग्रॅम सोन्याचा दर १०७,८१८ रुपये आहे. तर १ किलो चांदीचा दर १४३,८३० रुपये आहे. याशिवाय १० ग्रॅम चांदीचा दर १,४३८ रुपये आहे. Disclaimer- वरील माहिती केवळ श्रद्धा आणि ज्योतिषशास्त्रानुसार मिळालेल्या माहितीच्या आधारे देण्यात आली आहे. लोकसत्ता कोणत्याही माहितीचे समर्थन करत नाही.