तुम्हीदेखील काळी बुरशी असलेला कांदा वापरता का? यामुळे शरीराला होऊ शकते हानी

Black Fungus on Onions: कांद्यावर दिसणारे काळे डाग किंवा काजळीसारखा थर ही एक प्रकारची बुरशी असते. (सर्व फोटो सौजन्य : Pexels) या बुरशीचे शास्त्रीय नाव एस्परजिलस नायजर (Aspergillus Niger) आहे. ही बुरशी विषारी असू शकते. ती खाल्ल्यास डोकेदुखी, उलट्या, मळमळ (मळमळ होणे), पोटदुखी किंवा अतिसार (जुलाब) यांसारख्या समस्या उद्भवू शकतात. काही संशोधनात असे आढळले आहे की ही बुरशी एक प्रकारचे विष (Toxin) सोडते, ज्यामुळे शरीराला नुकसान पोहोचू शकते. विशेषतः दम्याचा (Asthma) त्रास आहे, अशा लोकांसाठी ही बुरशी हानिकारक ठरू शकते. यामुळे ऍलर्जीची लक्षणे वाढू शकतात. जर बुरशी फक्त कांद्याच्या बाहेरच्या सालीवर किंवा एका-दोन थरांवर असेल, तर तो काळा भाग कापून किंवा काढून टाकून आतील चांगला कांदा वापरता येतो. पण जर कांदा आतपर्यंत खराब झाला असेल आणि त्याला काळी बुरशी लागली असेल, तर तो कांदा खाऊ नये. कांदा साठवताना तो चांगला सुकवून आणि योग्य तापमानात ठेवावा. (हेही पाहा : दसऱ्याला सोने खरेदी केल्याने काय होते? 'घरात धन-धान्य...')