Surya Grahan 2022: वर्षाचे शेवटचे सूर्यग्रहण ‘या’ राशींसाठी ठरू शकते अशुभ; पाहा काय खबरदारी घ्यावी

२०२२ सालातील दुसरे आणि शेवटचे सूर्यग्रहण मंगळवार २५ ऑक्टोबर रोजी होणार आहे. हे ग्रहण भारताच्या काही भागात खंडग्रास स्वरूपात दिसणार आहे. वैदिक पंचांगानुसार, २५ ऑक्टोबर रोजी दुपारी २ वाजून २९ मिनिटांनी सूर्यग्रहण सुरू होत आहे. दिवाळीच्या दुसर्या दिवशी हे ग्रहण होणार असल्याने त्याचा सुतक काळ अत्यंत महत्त्वाचा मानला जातो. २४ ऑक्टोबर दिवाळीच्या रात्री २ वाजून ३० मिनिटांनी वाजता सूर्यग्रहणाचे सुतक सुरू होणार आहे. हा सुतक काळ ग्रहण संपेपर्यंत राहील. ग्रहणाचा एकूण कालावधी ४० मिनिटे आहे. देशाच्या वेगवेगळ्या ठिकाणी सूर्यग्रहणाची वेळ वेगवेगळी असेल आणि मोक्षही सूर्यास्ताच्या स्थानिक वेळेनुसार असेल. या सूर्यग्रहणामुळे वेगवेगळ्या राशीच्या लोकांच्या जीवनावर वेगवेगळा प्रभाव पाहायला मिळू शकतो. चला जाणून घेऊया सूर्यग्रहणाचा कोणत्या राशींवर काय परिणाम होईल. ज्योतिषांच्या मते हे सूर्यग्रहण तूळ राशीत होणार आहे. त्यामुळे तूळ आणि मीन राशीच्या लोकांसाठी हा काळ अशुभ असू शकतो. या लोकांना शारीरिक अथवा आर्थिक समस्यांना सामोरे जावे लागू शकते. म्हणूनच या काळात त्यांनी विशेष खबरदारी घ्यावी. येथे देण्यात आलेली माहिती गृहीतके आणि सामान्य माहितीवर आधारित आहे. (फोटो : Pexels/Pixabay)