Free LPG Gas Cylinder : रेशनकार्ड धारकांना तीन गॅस सिलिंडर मोफत मिळणार, जाणून घ्या खास योजना

मागील अनेक दिवसांपासून इंधन तसेच घरगुती गॅस सिंलिंडरचे दर वाढत आहेत. महागाईदेखील चांगलीच वाढत आहे. या महागाईचा फटका गरीब तसेच मध्यमवर्गीयांना बसत आहे. अशा परिस्थितीत केंद्र तसेच राज्य सरकारकडून नागरिकांना वेगवेगळ्या माध्यमातून दिलासा देण्याचा प्रयत्न केला जातोय. उत्तराखंड राज्य सरकारनेदेखील नागरिकांना दिलासा देण्यासाठी एक विशेष योजना सुरु केली आहे. या योजनेंतर्गत येथील स्थानिक नागरिकांना दरवर्षी तीन गॅस सिलिंडर मोफत मिळणार आहेत. या योजनेच्या पात्रतेसाठी सरकारने काही अटी घातलेल्या आहेत. या योजनेचा लाभ घ्यायचा असेल तर उत्तराखंडमधील नागरिकांना त्यांचे अंत्योदय शिधापत्रिका कार्ड (रेशन कार्ड) गॅस कार्डशी लिंक करावे लागणार आहे. या प्रक्रियेला जुलै म्हणजेच या महिन्यात पूर्ण करावे लागणार आहे. या योजनेचा लाभ फक्त उत्तराखंड राज्यातील कायमस्वरुपी रहिवाशीच घेऊ शकतात. या योजनेच्या अमंलबजावणीची तयारी पूर्ण करण्यात आली आहे. उत्तराखंड सरकारकडून लवकरच अंत्योदय शिधापत्रिकांची यादी स्थानिक कॅस एजन्सीजना पाठविली जाणार आहे. त्यानंतर या योजनेची प्रत्यक्ष अंमलबजावणी केली जाईल.