गुजरातमध्ये १ हजार कोटी रुपयांचे जप्त केलेले ‘म्याऊ म्याऊ’ ड्रग काय आहेत? याचा शरीरावर काय परिणाम होतो

गुजरातमधील एका गोदामातून म्याऊ म्याऊ नावाच्या पार्टी ड्रगचा मोठा साठा जप्त करण्यात आला आहे. बाजारात याची किंमत १ हजार कोटींपेक्षा जास्त आहे. आरोपींनी अंमली पदार्थांची विक्री करण्यासाठी सोशल मीडिया प्लॅटफॉर्म आणि कॉलिंग अॅप्सचा वापर केला असल्याचे पोलिसांचे म्हणणे आहे. मेफेड्रोन, ज्याला 'म्याव म्याऊ' किंवा MD म्हणूनही ओळखले जाते. हे एक कृत्रिम सायकोट्रॉपिक उत्तेजक आहे जे नार्कोटिक ड्रग्स अँड सायकोट्रॉपिक सबस्टन्सेस (NDPS) कायद्यांतर्गत प्रतिबंधित आहे. पीटीआयच्या अहवालानुसार. हे सामान्यतः रेव्ह आणि पार्ट्यांमध्ये प्रसारित केले जाते. म्याऊ म्याऊ ड्रगचा शरीरावर घातक परिणाम होतो. याचे अधित सेवन करणारी व्यक्ती मानसिक आजाराला बळी पडू शकते गेल्या वर्षी या ड्रगच्या अतिसेवनामुळे एका किशोरवयीन मुलाने आपले लिंग कापले होते आणि आपल्या आईवर वारही केले होते. या ड्रगच्या सेवनामुळे हृदय गती वाढणे, नाकातून रक्त येणे, पॅरानोईया आणि रक्तदाब वाढणे तसेच श्वासोच्छवासाच्या समस्या देखील उद्भवू शकतात. गेल्या दशकात, पार्टी ड्रगच्या सेवनामुळे अनेक लोक मरण पावले आहेत. अमेरिकेत एक, युनायटेड किंगडममध्ये पाच आणि स्वीडनमध्ये गेल्या १२ वर्षांत एकाचा मृत्यू झाला आहे. मेफेड्रॉन या रासायनिक नावाने ओळखले जाणारे म्याऊ म्याऊ ड्रगला भारतात मान्यता नाही अंमली पदार्थ कायद्यात ते बेकायदेशीर म्हणून सूचीबद्ध आहे. भारताव्यतिरिक्त, बहुतेक देशांनी ते प्राणघातक आणि काही प्रमाणात व्यसनाधीन स्वरूपामुळे अवैध पदार्थ म्हणून घोषित केले आहे.