उत्तर कोरियाच्या हुकूमशहाने वाढवली जगाची चिंता; किम जोंग उनच्या उपस्थितीत क्षेपणास्त्रांची चाचणी

गेल्या काही दिवसांपासून उत्तर कोरियाकडून सातत्याने क्षेपणास्त्र चाचण्या केल्या जात आहे. त्यात अनेक अण्वस्त्र चाचण्यांचा समावेश आहे. त्यामुळे जगभरातील देशांची चिंता वाढली आहे. त्यात आता उत्तर कोरियांचे हुकूमशाह किम जोंग उन यांचा एक फोटो समोर आला आहे. त्यामध्ये ते स्वत: या चाचण्यांवर लक्ष ठेवून असल्याचे दिसत आहे. उत्तर कोरियाने क्षेपणास्त्र चाचण्या केलेल्या शेजारील देश तणावाखाली आले आहे. अलिकडेच उत्तर कोरियाने जपानवरुन क्षेपणास्त्र डागले आहे. त्यानंतर जपानमध्ये एकच खळबळ उडाली होती. जपान सरकारने नागरिकांना सतर्कतेचा इशारा दिला आहे. तसेच, नागरिकांना सुरक्षित स्थळी राहण्याच्या सूचना केल्या आहेत. याच्या प्रत्युत्तरात अमेरिका, जपान आणि दक्षिण कोरियानेही क्षेपणास्त्रच्या चाचण्या केल्या आहेत. त्याशिवाय या देशांनी संयुक्त लष्करी सरावही केला आहे. दरम्यान, शनिवारी पुन्हा उत्तर कोरियाने बॅलेस्टिक क्षेपणास्त्राची चाचणी घेतल्याचे वृत्त आहे.