दिव्यांच्या प्रकाशामुळे दक्षिण मुंबई उजळली; देव दिवाळीनिमित्त बाणंगगा तलाव येथे महाआरती, पाहा खास PHOTOS

त्रिपुरारी पोर्णिमा म्हणजेच देव दिवाळीनिमित्त दक्षिण मुंबईतील बाणंगगा तलाव येथे महाआरती करण्यात आली. मुंबई तसेच उपनगरातील अनेक मंदिरांमध्ये नागरिकांनी दीप प्रज्वलन दीपोत्सव साजरा केला. असंख्य दिव्यांच्या प्रकाशात हा परिसर अगदी झगमटून गेले होते. हे दृश्य डोळ्यात साठवण्यासाठी याठिकाणी नागरिकांनी गर्दी केल्याचे दिसून आले. देव दिवाळी साजरी करण्यामागेही पौराणिक कथा आहे. त्रिपुरासुर राक्षसाचे अत्याचार आणि अधर्मामुळे पृथ्वी, स्वर्ग आणि नरक अशा तिन्ही लोकांमध्ये हाहाकार माजला होता. यासाठी सर्व देवतांनी भगवान शंकराकडे प्रार्थना केली. यानुसार भगवान शंकराने कार्तिक पौर्णिमेला त्रिपुरासुराचा वध केला. यावेळी सर्वांनी आनंदोत्सव साजरा करत दीपदान केले. तेव्हापासून दर वर्षी कार्तिक पौर्णिमेला देवदिवाळी साजरी केली जाते. या दिवशी शिवपूजा आणि दीपदानाला विशेष महत्त्व असतं. फोटो सौजन्य - अमित चक्रवर्ती (एक्सप्रेस फोटो )