Tukaram Maharaj Temple : अयोध्येतील श्रीराम मंदिराच्या धर्तीवर बनतंय देहूतील तुकोबांचं मंदिर; दोन्ही मंदिरांमध्ये अनेक समानता, पाहा PHOTOS

जगतगुरु संत तुकाराम महाराज यांचे देहू परिसरातील भंडारा डोंगर येथे भव्यदिव्य असे मंदिर बांधण्यात आहे. हे मंदिर अयोध्येत बांधण्यात येत असलेल्या श्रीरामाच्या मंदिरात प्रमाणेच आहे. दोन्ही मंदिरांसाठी एकाच खाणीतील दगड वापरण्यात येत आहेत. या मंदिर वास्तुशास्त्रदेखील एकच आहे. तसेच, कामगार, आर्किटेक्टदेखील एकाच ठिकाणचे आहेत. तुकोबांचे मंदिर हे लोकवर्गणीतून उभा राहात असून २०२५ पर्यंत हे बांधकाम पूर्ण होईल, अशी माहिती भंडारा डोंगरचे ट्रस्टी बाळासाहेब काशीद यांनी दिली. विशेष म्हणजे गुजरातमधील अक्षरधाम मंदिराच्या धर्तीवर हे मंदिर उभारलं जात आहे. या मंदिरांची नेमकी वैशिष्टे काय आहेत? ती बघूया. या मंदिराची लांबी १७९ फूट, उंची १०८ फूट तर रुंदी १९३ फूट इतकी भव्य आहे. या मंदिराला तीन भव्य कळस असतील. हे कळस ८७ ते ९६ फुटांचे असतील. या मंदिराच्या मंडपाची शोभा वाढवणारा घुमट हा ३४ फूट बाय ३४ फुटांचा असेल. तर गर्भगृह १३.५ फूट बाय १३.५ फूट इतका भव्य असेल. मंदिराला नऊ दरवाजे तसेच गर्भगृहाला पाच दरवाजे आणि सहा खिडक्या असतील. या मंदिरात मुख्य जागेवर विठ्ठल रुक्मिणीची मूर्तीची आणि त्यांना पाहण्यात मग्न असणारे संत तुकाराम महाराजांच्या मूर्तीची प्रतिष्ठापना केली जाईल. २५ हजार स्क्वेअर फुटांत १२२ खांबावर (पिलर) हे भव्य दिव्य मंदिर उभं राहणार आहे. यासाठी अंदाजे १५० कोटी रुपयांचा याला खर्च येणार आहे. फोटो सौजन्य - कृष्णा पांचाळ