Air India Plane Crash: हवाई सुंदरी होण्याचे स्वप्न, शिक्षण..; डोंबिवलीच्या रोशनी सोनघरेचा विमान अपघातात दुर्दैवी मृत्यू

1/15

Ahmedabad Plane Crash Meghaninagar: अहमदाबादहून लंडन (London) गॅटविकला जाणारे विमान एआय-१७१ (Air India flight AI171) उड्डाणानंतर तीन मिनिटांनी विमानतळाच्या (Sardar Vallabhbhai Patel International Airport) सीमेजवळ कोसळले.

2/15

अहमदाबादहून दुपारी १.३८ वाजता उड्डाण केलेल्या बोइंग ७८७-८ विमानात २४२ प्रवासी आणि १२ क्रू सदस्य होते.

3/15

त्यामध्ये १६९ भारतीय, ५३ ब्रिटिश, एक कॅनेडियन आणि ७ पोर्तुगीज नागरिक होते.

4/15

एअर इंडियाच्या विमान अपघातात डोंबिवलीतील (Dombivli, Maharashtra) २७ वर्षाच्या हवाई सुंदरीचा समावेश आहे.

5/15

रोशनी राजेंद्र सोनघरे (Flight Attendant Roshni Songhare) असे या हवाई सुंदरीचे नाव आहे.

6/15

या विमानात इतर सहकारी कर्मचाऱ्यांबरोबर (कृ मेंबर) हवाई सुंदरी म्हणून रोशनी सोनघरे हिचे कर्तव्य होते.

7/15

डोंबिवली पूर्वेतील राजाजी पथावरील मढवी बंगल्याच्या पाठीमागील भागातील न्यू उमिया कृपा सोसायटीत रोशनी आपले आई, वडील आणि भाऊ यांच्यासह राहत होती.

8/15

मनमिळाऊ स्वभावाची, शालेय जीवनात हुशार असलेल्या रोशनीचे हवाई सुंदरी होण्याचे स्वप्न होते. ते तिने शिक्षण पूर्ण करून साध्य केले होते.

9/15

एअर इंडियात विमानात कर्तव्यावर जाताना ती गणवेशात जात होती, असे ती राहत असलेल्या इमारतीमधील रहिवाशांनी सांगितले.

10/15

‘स्काय लव्हर हर’ (Sky Loves Her) या नावाने ती इन्स्टाग्रामवर इन्फ्लुअन्सर होती. तिचे ५६ हजार फॉलोअर्स होते.

11/15

सोनघरे कुटुंबीय यापूर्वी मुंबईत वास्तव्याला होते.

12/15

दोन वर्षापूर्वी ते डोंबिवलीत स्थलांतरित झाले, असे त्यांच्या परिचितांनी सांगितले.

13/15

रोशनी अलीकडेच एअर इंडियाच्या सेवेत दाखल होती, असे तिच्या नातेवाईकांनी सांगितले.

14/15

(सर्व फोटो सौजन्य : रोशनी सोनघरे/इन्स्टाग्राम)

15/15

(हेही पाहा : एअर इंडियाचे विमान कोसळलं; BJ मेडिकल हॉस्टेलची इमारत खचली, फोटो व्हायरल)