Bihar Elections: भाजपाकडून उमेदवारीसाठी चर्चेत असलेल्या मैथिली ठाकूर नक्की आहेत तरी कोण?

बिहारच्या सुप्रसिद्ध लोकगायिका मैथिली ठाकूर या अलीकडेच काही भाजपा नेत्यांना भेटल्या, त्यानंतर त्यांच्या राजकारणातील प्रवेशाच्या चर्चांना उधाण आलं आहे. सोशल मीडियावर आणि स्थानिक माध्यमांमध्ये या भेटीची चर्चा रंगली असून, त्यांना भाजपाकडून उमेदवारी मिळू शकते का, असा प्रश्न उपस्थित झाला आहे. मैथिली ठाकूर यांनी मात्र स्पष्ट केलं की, “मी कोणत्याही राजकीय पक्षात अधिकृतरित्या सामील झालेली नाही”, पण देशाच्या विकासासाठी काम करण्याची इच्छा व्यक्त केली आहे. मैथिली ठाकूर या मिथिला प्रदेशातील पारंपरिक गाण्यांसाठी आणि भक्तिगीतांसाठी प्रसिद्ध आहेत. त्यांच्या गायकीमुळे त्या संपूर्ण देशात लोकप्रिय झाल्या असून, तरुण पिढीमध्येही त्यांचा चाहता वर्ग मोठा आहे. मैथिली ठाकूर यांना “Culture Ambassador of the Year” हा पुरस्कार प्रधानमंत्री नरेंद्र मोदींकडून मिळाला आहे बिहारमध्ये लोकसभा निवडणुकीच्या पार्श्वभूमीवर कलावंतांचा राजकारणात प्रवेश हा नेहमीच चर्चेचा विषय राहिला आहे. काही राजकीय विश्लेषकांचं मत आहे की, मैथिली ठाकूर यांचा स्वच्छ आणि सांस्कृतिक प्रतिमा असलेला चेहरा पक्षासाठी आकर्षक ठरू शकतो. मैथिली ठाकूर यांच्या भेटीनंतर भाजपा नेत्यांनी “ही फक्त स्नेहभेट होती” असं सांगितलं असलं, तरी राजकीय तर्कवितर्कांना उधाण आलं आहे. (सर्व फोटो सौजन्य : मैथिली ठाकूर/इन्स्टाग्राम)