देवदत पडीक्कल : RCB ला मिळाला नवीन हिरो

1/

आयपीएलच्या तेराव्या हंगामात पहिला सामना खेळणाऱ्या रॉयल चॅलेंजर्स बंगळुरु संघाने धडाकेबाज सुरुवात केली. सनराईजर्स हैदराबाद संघावर १० धावांनी मात करत RCB ने पहिला सामना जिंकला. (सर्व छायाचित्र सौजन्य – IPL/BCCI)

2/

एकाच षटकात युजवेंद्र चहलने बेअरस्टो आणि विजय शंकर यांचा घेतलेला बळी आणि मोक्याच्या क्षणी फलंदाजांनी केलेली हाराकिरी यामुळे हैदराबादने हातातला सामना गमावला.

3/

RCB कडून फलंदाजीत देवदत पडीक्कलने दिवस गाजवला. पदार्पणाचा सामना खेळणाऱ्या पडीक्कलने ४२ चेंडूत ८ चौकारांनिशी ५६ धावा केल्या.

4/

सलामीच्या जोडीसाठी पडीक्कलने फिंचसोबत ९० धावांची भागीदारीही केली.

5/

पडीक्कलच्या स्थानिक क्रिकेटमधील कामगिरीवर आज आपण एक नजर टाकणार आहोत…

6/

वयाच्या नवव्या वर्षापासून देवदत पडीक्कलने क्रिकेट खेळायला सुरुवात केली होती.

7/

देवदतचा जन्म केरळमधला…पण त्याने क्रिकेट खेळायला कर्नाटकात सुरुवात केली.

8/

फर्स्ट क्लास क्रिकेट, लिस्ट A क्रिकेट आणि आयपीएल अशा तिन्ही महत्वाच्या स्पर्धांमध्ये पडीक्कलने पदार्पणाच्या सामन्यांत अर्धशतक झळकावलं आहे.

9/

लिस्ट A क्रिकेटमध्ये पदार्पणाच्या मालिकेतच देवदतने ६०९ धावा काढत मालिकेत सर्वाधिक धावा काढण्याचा बहुमान मिळवला होता.

10/

भारतीय स्थानिक क्रिकेटमध्ये तिन्ही प्रकारांत १ हजार धावांचा टप्पा गाठणारा देवदत पहिला खेळाडू आहे.