Photos: क्रिकेटवेडाच… Ind vs Eng सामन्यात प्रेक्षकांना प्रवेश नसल्याने त्याने काय केलं पाहा

1/20

राज्यामधील करोनाबाधितांची संख्या दिवसोंदिवस वाढत असल्याने पुण्यामध्ये खेळवण्यात येत असणाऱ्या भारत विरुद्ध इंग्लंडदरम्यानच्या एकदिवसीय सामन्यांसाठी प्रेक्षकांना परवानगी देण्यात आलेली नाही.

2/20

भारत विरुद्ध इंग्लंडदरम्यानचे पुण्यातील तीनही सामने रिकाम्या स्टेडियमवर होणार असल्याचं स्पष्ट करण्यात आलं आहे.

3/20

मात्र क्रिकेटचा सामना सोडतील ते भारतीय कसले असं म्हणतात त्याचप्रमाणे काहीजण अगदी हौसेने या पुण्यातील गहुंजे स्टेडियमच्या आजूबाजूला असणाऱ्या इमारतींच्या गच्चींवरुन पाहतानाचे चित्र दित आहे.

4/20

भारतीय क्रिकेट चाहत्यांपैकी सर्वात लोकप्रिय चेहरा असणाऱ्या सुधीर कुमार चौधरीने या करोनामुळे आलेल्या निर्बंधांवर अनोखा उपाय शोधला आहे.

5/20

पुण्यातील गहुंजे स्टेडियमच्या जवळच असणाऱ्या एका टेकडीवरुन सुधीर कुमार चौधरीने पहिल्या एकदिवसीय सामन्याचा आनंद घेतला.

6/20

सुधीरनेच यासंदर्भातील काही फोटो सोशल नेटवर्किंगवर पोस्ट केलेत.

7/20

महाराष्ट्र क्रिकेट असोसिएशनच्या गहुंजे स्टेडियमवर भारत आणि इंग्लंडदरम्यान एकदिवसीय मालिकेचे सामने सुरू असून पहिल्या सामन्याला सुधीर कुमार चौधरीने कशापद्धतीने हजेरी लावली याबद्दलचे फोटो पोस्ट केलेत.

8/20

या मैदानापासून अंदाजे अर्ध्या किलोमीटरवर असलेल्या वाघजाई मंदिराच्या टेकडीवरुन सुधीर कुमार चौधरीने पहिला सामना पाहिला.

9/20

मैदानात प्रवेश नसल्याने सुधीर कुमार चौधरी थेट या वाघजाईच्या टेकडीवरुन भारतीय संघाला चेअरअप करत होता.

10/20

मुळचा बिहारचा असलेला सुधीर कुमार चौधरी हा अंगावर तिरंगा रंगवून भारताचा माजी क्रिकेटपटू असणाऱ्या सचिन तेंडुलकरच्या सर्व सामन्यांसाठी उपस्थित राहणारा चाहता म्हणून नावारुपास आला.

11/20

भारतीय संघाला प्रोत्साहन देण्यासाठी सुधीर कुमार चौधरी हा आपल्या शरीरावर तिरंगा रंगवून घेतो. पाठीवर आणि पोटावर तेंडुलकर असं लिहून तो सामन्यांना हजेरी लावतो.

12/20

सुधीर कुमार चौधरी अंगावर तिरंगा रंगवून एका हातात झेंडा आणि दुसऱ्या हातात शंख घेऊन सामना पाहण्यासाठी हजर असतो.

13/20

सचिन निवृत्त झाल्यानंतरही सुधीर कुमार चौधरी भारतीय संघांचे सामने असतील तिथं आवर्जून उपस्थित राहतो. आता फक्त अंगावरील सचिन तेंडुकलरच्या आधी मीस यू असंही तो लिहून घेतो.

14/20

पुण्यातील तिनही सामने दिवसरात्र खेळवण्यात येत असल्याने पहिल्या सामन्यामध्ये संध्याकाळच्या वेळी वाघजाईच्या टेकडीवरुन मैदान असं दिसत होतं.

15/20

अर्धा किलोमीटर दूरुन सामना पाहतानाही सुधीर कुमार चौधरीचा उत्साह अजिबात कमी झाला नव्हता.

16/20

मैदानात वाजवतो त्याप्रमाणे अनेकदा शंख वाजवून सुधीर कुमार चौधरीने आनंद साजरा केला.

17/20

सुधीरसोबत इतरही काही चाहते वाघजाईच्या टेकडीवरुन सामना पाहण्यासाठी पोहचले होते.

18/20

सुधीरने पोस्ट केलेले हे फोटो सध्या चर्चेचा विषय ठरत आहेत.

19/20

अनेकांनी सुधीरच्या या क्रिकेटवेडाचं कौतुक केलं आहे.

20/20

भारताने मालिकेमधील पहिला सामना जिंकला असून २५ व २८ मार्च रोजी पुढील दोन सामने याच मैदानावर प्रेक्षकांच्या अनुपस्थितीत खेळवण्यात येणार आहेत.