आधी जुन्या दुचाकीवरुन प्रवास, आता आली अलीशान BMW; फोटो शेअर करत पृथ्वी शॉने दिल्या वडिलांना खास शुभेच्छा

1/12

क्रिकेट या खेळाने अनेकांचे आयुष्य बदलून टाकले. अत्यंत हलाखीच्या परिस्थितीला तोंड देत क्रिकेटर म्हणून नावारुपाला आलेले अनेक क्रिकेटपटू आहेत.

2/12

पृथ्वी शॉदेखील त्यापैकीच एक आहे. त्याने क्रिकेटर म्हणून नावारुपाला येण्यापूर्वी खूप मेहनत घेतलेली आहे.

3/12

लहानपणीच आईचे निधन झाल्यामुळे वडील पंकज शॉ यांनीच पृथ्वी शॉला सांभाळले.

4/12

क्रिकेटची आवड असल्यामुळे पृथ्वी शॉ विरार ते चर्चगेट असा प्रवास करुन क्रिकेट अकॅडमीमध्ये सराव करायचा.

5/12

सध्या पृथ्वी शॉने त्याच्या वडिलांच्या वाढदिवसानिमित्त इन्स्टाग्रामवर दोन फोटो शेअर केले आहेत.

6/12

यातील एका फोटोमध्ये पृथ्वी शॉचे वडील दुचाकी चालवताना दिसत आहेत. तर वडिलांच्या मागे पृथ्वी शॉ बसलेला दिसतोय. पृथ्वीचे वडील त्याला क्रिकेटच्या सरावासाठी घेऊन जात असल्याचे या फोटोमध्ये दिसत आहे.

7/12

तर दुसऱ्या फोटोमध्ये पृथ्वी शॉने एका अलिशान कारचा फोटो शेअर केला आहे. या फोटोमध्ये त्याचे वडीलही दिसत आहेत.

8/12

म्हणजेच जुन्या दुचाकीपासून सुरु झालेला पृथ्वी शॉचा प्रवास महागड्या बीएमडब्ल्यू कारपर्यंत येऊन पोहोचला आहे.

9/12

पृथ्वी शॉच्या वडिलांनी मोठी मेहनत घेतल्यामुळेच हे शक्य झाले. याच कारणामुळे पृथ्वी शॉने एक लहाणपणीचा आणि एक सध्याचा फोटो शेअर करत त्याच्या वडिलांप्रती कृतज्ञता व्यक्त केली आहे.

10/12

तसेच त्याने आपल्या वडिलांना वाढदिवसाच्या शुभेच्छा दिल्या आहेत.

11/12

पृथ्वी शॉचे हे फोटो सध्या चांगलेच व्हायरल होत आहेत. सध्या तो आयपीएल २०२२ या पर्वात दिल्ली कॅपिटल्स संघाकडून खेळत असून विषमज्वरमुळे काही सामने खेळू शकलेला नाही.

12/12

त्याने या हंगामात ९ सामन्यांमध्ये २५९ धावा केल्या आहेत.