Photos : लग्नाच्या १२ वर्षांनंतर सानिया मिर्झा आणि शोएब मलिक होणार वेगळे? घटस्फोटाच्या चर्चांना उधाण

भारतीय टेनिस स्टार सानिया मिर्झा आणि पाकिस्तानी क्रिकेटर शोएब मलिक हे क्रीडा जगतातील तारे आहेत. स्पोर्ट्स पॉवर कपल सानिया, शोएब आणि त्यांचा लाडका मुलगा इझान हे एका परिपूर्ण कुटुंबाचे उदाहरण आहे. तथापि, गेल्या काही दिवसांपासून सानिया मिर्झा आणि शोएब मलिक विभक्त होणार असल्याच्या चर्चांना उधाण आले आहे. सानिया मिर्झा आणि शोएब मलिक यांचे २०१० साली अत्यंत वादग्रस्त वातावरणात लग्न झाले. यावेळी एका महिलेने ती शोएबची पहिली पत्नी असल्याचा दावा केला होता. सानिया आणि शोएब यांनी अलीकडेच त्यांचा मुलगा इझानचा वाढदिवस एकत्र साजरा केला. यासंबंधीचे फोटो शोएबने आपल्या सोशल मीडिया अकाउंटवर शेअर केले होते. परंतु सानियाने तिच्या इन्स्टाग्रामवर या पार्टीचे फोटो पोस्ट केले नाहीत. या गोष्टीने चाहत्यांना विचार करायला भाग पाडले असून यानंतर दोघेही विभक्त होत असल्याच्या अफवा पसरू लागल्या आहेत. काही लोक आरोप करत आहेत की एका शोच्या शूटिंग दरम्यान शोएबने सानियाची फसवणूक केली. तसेच, सानिया आजकाल तिच्या सोशल मीडियावर वाईट काळातील पोस्ट शेअर करत असते. मात्र, अद्याप या गोष्टींबाबत कोणतीही अधिकृत माहिती मिळालेली नाही. दरम्यान, सानिया आणि शोएबनेही या वाढत्या अफवांवर मौन पाळले आहे. सर्व फोटो : इन्स्टाग्राम