सौरभ नेत्रावळकरची पत्नी स्निग्धा मुप्पाला देखील मल्टीटास्कर; बॉलीएक्सद्वारे लावली ‘शार्क टँक’मध्ये हजेरी

अमेरिकन क्रिकेटपटू सौरभ नेत्रावळकर सध्या आपल्या उत्कृष्ट कामगिरीमुळे चर्चेत आहे. सौरभने भारत विरुद्ध यूएसए सामन्यात विराट कोहली आणि रोहित शर्माचा विकेट घेतला होता. या कामगिरीसाठी अनेकांनी त्याचे कौतुक केले आहे. क्रिकेटसह सौरभ ओरेकल या कंपनी मध्ये इंजिनियर म्हणून काम करतो. सौरभच्या पत्नी संबंधित बोलायचे झाले तर ती देखील सौरभ सारखी मल्टीटास्कर आहे. सौरभ आणि स्निग्धा मुप्पाला हे २०२० साली लग्नबंधनात अडकले. सौरभ नेत्रावळकरची पत्नी स्निग्धा मुप्पालाने कॉर्नेल विद्यापीठातून इंजिनियरिंगचे शिक्षण पूर्ण करून कॉम्प्यूटर सायन्समध्ये पदव्युत्तर पदवी मिळवली आहे. स्निग्धा मुप्पाला देखील ओरेकल कंपनीमध्ये इंजिनियर म्हणून काम करते. इंजिनियरव्यतिरिक्त स्निग्धा एक कथ्थक नृत्यांगना देखील आहे. आपल्या कथ्थक नृत्याला फॉलो करत स्निग्धाने अमेरिकेत बॉलीवू़ड प्रेरित फिटनेस कार्यक्रम सुरु केला आहे. 'बॉलीएक्स' हा कार्यक्रम अमेरिकन शार्क टॅंकमध्ये दाखविण्यात आला होता. सौरभ आणि स्निग्धा वेग-वेगळ्या पद्धतीने वैयक्तिक जीवनात आपले छंद जोपासताना दिसतात. ( सर्व फोटो : सौरभ नेत्रावळकर/इन्स्टाग्राम)