कष्टकऱ्यांच्या नशिबातला संघर्ष कायम

1/15

करोना विषाणूचा सामना करण्यासाठी पंतप्रधान नरेंद्र मोदींनी देशभरात २१ दिवसांचा लॉकडाऊन जाहीर केला. याचा सर्वात जास्त फटका देशातील हातावर पोट असणाऱ्या मजुरांना बसलेला आहे. (सर्व छायाचित्र – अरुल हॉरिझन)

2/15

सार्वजनिक वाहतुक व्यवस्था बंद…रोजगार तुटलेला त्यातच सर्व राज्यांच्या सीमा बंद…अशा परिस्थितीत या कामगारांची अधिक कुचंबणा होतेय.

3/15

पण आपल्या गावची ओढ काही केल्या कमी होत नाही…त्यामुळे अखेरीस या नागरिकांनी पायी चालत आपलं गाव गाठायचं ठरवलं. कर्नाटकातील गुलबर्गा इथले हे मजुर मुंबईतील बोरिवली भागात एका इमारतीवर कामाला होते.

4/15

मुंबई ते कर्नाटक हा जवळपास ३९० किलोमिटरचा हा प्रवास हे मजुर चालत करणार आहेत, वाटेत अडथळे अनेक येतील पण घराची ओढ काही केल्या यांना थांबू देत नाही.

5/15

चालून चालून पाय दुखायला लागले की रस्त्याच्या शेजारी थोडा वेळ थांबायचं…काळवंडलेले पाय आणि भेगा त्यांचा संघर्ष सांगत आहेत.

6/15

कितीही त्रास होत असला तरीही ते दु:ख चेहऱ्यावर आणू न देता प्रवास करत रहायचा हेच या मजुरांनी ठरवलं आहे.

8/15

पुण्यात हडपसरजवळ विसाव्यासाठी हे मजुर काहीकाळ थांबले होते.

9/15

सोबतीला भाकऱ्या-चटणी आणि टोमॅटो असा बेत यांनी आणलेला आहे.

10/15

जिथे सावली मिळेल तिकडे दोन घास पोटात ढकलायचे आणि पुढच्या प्रवासासाठी अंगात बळ आणायचं ही खुणगाठ प्रत्येकाने मनाशी पक्की केली आहे.

11/15

जेवणं झालं की थोडावेळ आहे तिकडेच आराम करायचा…काही जणं इथेच छोटीशी डुलकी काढतात.

12/15

गावात आपल्या नातेवाईकांना आपली ख्याली-खुशाली कळवायची हीच ती वेळ असते.

13/15

आपल्या ठिकाणी काम करणाऱ्या सर्व मजुरांना वाऱ्यावर सोडू नका अशी सूचना सरकार वारंवार करत आहे, मात्र प्रत्यक्ष असं काहीच घडताना दिसत नाही.

14/15

करोना असो किंवा आणखी काही कष्टकऱ्यांच्या नशिबी असणारा संघर्ष कायम आहे.

15/15

अशा खडतर प्रसंगामध्ये अडचणीत सापडलेल्या व्यक्तींना मदत करणं हे आपल्या सर्वांचं काम आहे.