गुलालाची उधळण, ढोल-ताशांचे वादन; साश्रू नयनांनी बाप्पाला निरोप

गणपती चालले गावाला, चैन पडेना आम्हाला..., या जयघोषात राज्यात ठिकठिकाणी गणेश विसर्जन पार पडले आहे.गुलाल उधळत, ढोल-ताशांच्या आवाजात आणि मोठ्या जल्लोषात मुंबई, पुण्यासह ठिकाणी विसर्जन सोहळा पार पडत आहे. राज्यभरात आज मोठ्या थाटामाटात गणपती बाप्पाला निरोप दिला जात आहे.यंदा करोनामुळे यंदाचा गणेशोत्सव आणि विसर्जन सोहळा अत्यंत साधेपणाने साजरा केला जात आहे.अनेक ठिकाणी मोठमोठे मिरवणूक सोहळे रद्द करण्यात आले आहेत. गणपती विसर्जनासाठी मिरवणुकीची परवानगी नसल्याने अत्यंत साध्या पद्धतीने भाविक लाडक्या बाप्पाला निरोप देताना पाहायला मिळत आहे. पुण्यातील तुळशीबाग गणपती मंडळ आणि गुरुजी तालीम गणपती मंडळाच्या गणपती मिरवणुकीत अनेक भाविक जमा झाले होते. पुण्यातील लक्ष्मी रस्त्यावर मोठ्या थाटामाटात गणपती विसर्जन सोहळा पार पडला. गणपती बाप्पा मोरया...पुढच्या वर्षी लवकर या, अशा जयघोषात लाडक्या बाप्पाला निरोप दिला जात आहे.(सर्व फोटो : आशिष काळे, इंडियन एक्सप्रेस)