Rajya Sabha Election : भाजपासोबतच महाविकास आघाडीच्याही उमेदवारांकडून निवडणूक अर्ज दाखल

राज्यसभा निवडणुकीच्या पार्श्वभूमीवर राज्यातील राजकीय वातावरण चांगलच तापल्याचं दिसत आहे. (सर्व छायाचित्र - अमित चक्रवर्ती) भाजपाने केंद्रीय वाणिज्यमंत्री पीयूष गोयल, माजी कृषी मंत्री डॉ. अनिल बोंडे आणि कोल्हापूरचे माजी खासदार धनंजय महाडिक यांना उमेदवारी जाहीर केली आहे. या तिन्ही उमेदवारांचे अर्ज आज भाजपाकडून दाखल करण्यात आले. यावेळी विरोधी पक्षनेते देवेंद्र फडणवीस यांच्यासह भाजपा नेत्यांची उपस्थिती होती. राज्यसभेच्या निवडणुकीसाठी भारतीय जनता पार्टीने महाविकास आघाडी आणि खास करुन शिवसेनेची कोंडी करण्याच्या दृष्टीने व्यूहरचना केल्याचं चित्र दिसत आहे. भाजपाकडून पीयूष गोयल यांना तिसऱ्यांदा राज्यसभेसाठी संधी देण्यात आली आहे. अपक्ष किंवा छोटय़ा पक्षांच्या मतांच्या आधारे मतांची जुळवाजुळव करण्यावर भाजपाचा भर आहे. भाजपाच्या तिसऱ्या उमेदवारामुळे शिवसेनेपुढे दुसरा उमेदवार निवडून आणण्याचे आव्हान उभे ठाकले आहे. आठ अपक्ष आमदारांचा पाठिंबा असल्याचा दावा भाजपकडून केला जातो. भाजपाच्या तिसऱ्या उमेदवाराला विजयाकरिता १२ मतांची आवश्यकता आहे. विजयासाठी पहिल्या पसंतीच्या ४१.०१ मतांची आवश्यकता आहे. भाजपाचे १०६ आमदार असून, पक्षाकडे २२ अतिरिक्त मते आहेत. पीयूष गोयल यांचा उमेदवारी अर्ज सादर करतेवेळी देवेंद्र फडणवीस, चंद्रकांत पाटील, प्रवीण दरेकर, मंगलप्रभात लोढा. भाजपाचे गोयल यांच्यासह डॉ. विनय सहस्त्रबुद्धे आणि डॉ. विकास महात्मे या तीन खासदार निवृत्त होत आहेत. सहस्त्रबुद्धे आणि डॉ. महात्मे यांना भाजपाने फेरउमेदवारी देण्यात आलेली नाही. केवळ गोयल यांना उमेदवारी दिली आहे. भाजपाने दुसऱ्या जागेसाठी अमरावती जिल्ह्यातील मोर्शीचे माजी आमदार डॉ. अनिल बोंडे यांना उमेदवारी दिली आहे. डॉ. बोंडे हे २००९ मध्ये अपक्ष तर २०१४ मध्ये भाजपाच्या वतीने विधानसभेवर निवडून आले होते. २०१९ च्या विधानसभा निवडणुकीत त्यांचा पराभव झाला होता. भाजपाच्या कृषी विभागाचे ते अध्यक्ष आहेत. आक्रमक अशी प्रतिमा असलेले डॉ. बोंडे हे गेले दोन वर्षे राज्यातील महाविकास आघाडी सरकारच्या विरोधात नेहमी आक्रमकपणे बोलत असतात. तिसऱ्या जागेसाठी भाजपाने रात्री उशिरा कोल्हापूरचे माजी खासदार धनंजय महाडिक यांच्या नावाची घोषणा केली. धनंजय महाडिक यांनी देखील आज आपला उमेदवारी अर्ज सादर केला. कोल्हापूरचे संभाजीराजे यांना पाठिंबा देण्यास नकार देऊन शिवसेनेने कोल्हापूरच्या संजय पवार यांना उमेदवारी जाहीर केली. म्हणूनच भाजपानेही कोल्हापूरचे माजी खासदार धनंजय महाडिक यांना तिसरे उमेदवार म्हणून रिंगणात उतरविले आहे. अर्ज सादर करण्यासाठी आलेल्या पीयूष गोयल यांच्या चेहऱ्यावर आनंद स्पष्टपणे दिसत होता. धनंजय महाडिक यांना उमेदवारी देऊन भाजपाने महाविकास आघाडीची कोंडी करण्याचा प्रयत्न केला आहे. राष्ट्रवादी काँग्रेसचे ज्येष्ठ नेते खासदार प्रफुल पटेल यांचा राज्यसभेचा उमेदवारी अर्ज आज दाखल करण्यात आला. यावेळी उपमुख्यमंत्री अजित पवार, एकनाथ शिंदे, बाळासाहेब थोरात, नाना पटोले उपस्थित होते. प्रफुल्ल पटेल हे राष्ट्रवादी काँग्रेसचे ज्येष्ठ नेते आहेत. आज अर्ज सादर करण्यासाठी सकाळी प्रफुल्ल पटेल विधानभवनात हजर झाले. मोहम्मद इम्रान प्रतापगढ़ी यांना काँग्रेस उमेदवारी दिली आहे. प्रदेशाध्यक्ष नाना पटोले यांच्यासह पक्षाच्या वरिष्ठ नेत्यांसोबत आज विधानभवनात राज्यसभेसाठी त्यांनी उमेदवारी अर्ज दाखल केला. मोहम्मद इम्रान प्रतापगढ़ी यांच्या रुपाने काँग्रेसने एक तरूण उमेदवारास संधी दिली आहे. महाविकास आघाडीच्या उमेदवारांचा अर्ज सादर करण्यासाठी आज उपमुख्यमंत्री अजित पवार उपस्थित राहिले. शिवसेना नेते संजय राऊत देखील विधानभवन परिसरात दिसले. महाविकासआघाडीच्या मंत्र्यांसह नेत्यांनी विधानभवनात गर्दी केली होती.