PHOTO : सर्वात मोठी लष्करी कारवाई ठरलेल्या D-Day ला ७८ वर्षे पूर्ण | D-Day, the invasion of Normandy`s 78th anniversary

जगात विविध काळात विविध ठिकाणी युद्ध प्रसंगांना सामोरे जावे लागेल आहे, अनेक मोठ्या प्रमाणात लष्करी कारवाई करण्यात आल्या ६ जून १९४४ ची कारवाईं ही एक मोठी लष्करी कारवाई म्हणून ओळखली जाते, यामध्ये दोस्त राष्ट्रांचे सैन्य हे जर्मनीचा ताबा असलेल्या फ्रान्स देशातील नॉर्मंडी नावाच्या किनाऱ्यावर यशस्वी उतरले या दिवसाला D-Day म्हणूनही ओळखले जाते, या लष्करी कारवाईला Operation Overlord असं नाव देण्यात आले होते. या कारवाईनंतर जर्मनीचा निर्णायक पराभव करण्याच्या दृष्टीने पाऊल टाकण्यात आले इंग्लंडच्या किनाऱ्यावरुन विविध युद्धनौकांच्या माध्यमातून प्रवास करत नॉर्मंडी किनाऱ्यावर जीवघेणी लढाई लढत आणि मग किनाऱ्यावर पूर्णपणे नियंत्रण मिळवत ही कारवाई पूर्ण करण्यात आली D-Day ची कारवाई ही ६ जूनच्या रात्री सुरु झाली. यामध्ये हजारो सैनिकांना नॉर्मंडी किनाऱ्याच्या आत विस्तृत भूभागावर उतरवण्यात आले. यामुळे जर्मनीचे आणखी सैन्य हे किनाऱ्यावर पोहचणार नाही याची काळजी घेण्यात आली त्यानंतर दोस्त राष्ट्राने किनाऱ्यावर मोर्चेबांधणी केलेल्या जर्मनीच्या सैन्यावर विमानातून आणि युद्धनौकेच्या तोफांद्वारे भीषण बॉम्बहल्ला केला तर हवामानाचा अचूक अंदाज घेत पहाटे किनाऱ्यावरील लष्करी कारवाईला सुरुवात झाली. तब्बल पाच हजार विविध युद्दनौकांच्या माध्यमातून काही तासात दोस्त राष्ट्राचे तब्बल दिड लाख सैन्य हे नॉर्मंडी किनाऱ्यावर यशस्वी उतरले अर्थात किनाऱ्यावर सुरुवातीला पोहचललेल्या दोस्त राष्ट्रांच्या सैन्याला किनाऱ्यावरील खंदकात भक्कम मोर्चेबांधणी केलेल्या जर्मनीच्या सैन्याने कडवा प्रतिकार केला जेमतेम चार तास किनाऱ्यावर लढाई झाली असली तरी यामध्ये जर्मनीचे नऊ हजार पेक्षा जास्त सैनिक तर दोस्त राष्ट्राचे चार हजार पेक्षा जास्त सैनिक ठार झाले दोन्ही बाजूंना जखमी झालेल्या सैनिकांची संख्या ही दहा हजार पेक्षा जास्त होती D-Day च्या कारवाईमुळे फ्रान्समध्ये दोस्त राष्ट्रांचे सैन्य उतरण्याचा मार्ग मोकळा झाला, या कारवाईनंतर युरोपातील पश्चिम बाजूने जर्मनीची निर्णायक अशी पिछेहाट सुरु झाली Operation Overlord या कारवाईसाठीची तयारी कित्येक महिने सुरु होती, अनेक यशस्वी कारवाईचे नेतृत्व General Bernard Montgomery या ब्रिटीश अधिकाऱ्याने केले