नऊवारी साडी, नाकात नथ, कपाळावर चंद्रकोर अन्… अमृता फडणवीसांनी शेअर केलेले मंगळागौरचे फोटो पाहिलेत का?

उपमुख्यमंत्री देवेंद्र फडणवीस यांच्या पत्नी अमृता कायम कोणत्या ना कोणत्या कारणाने चर्चेत असतात. त्या सोशल मीडियावरही खूप सक्रिय आहेत. त्या इन्स्टाग्रामवर विविध कार्यक्रमातील फोटो व व्हिडीओ शेअर करत असतात. आता त्यांनी मंगळागौर उत्सवाचे काही फोटो शेअर केले आहेत. या फोटोंमध्ये अमृतांचा पारंपारिक लूक पाहायला मिळत आहे. नऊवारी साडी, नाकात नथ, कपाळावर चंद्रकोर आणि पारंपारिक दागिन्यांमध्ये अमृता फारच सुंदर दिसत आहेत. या समारंभात त्या फुगडी खेळल्या. इतकंच नव्हे तर त्यांनी गाणंही गायलं. वर्सोवा विधानसभा क्षेत्रात आयोजित या कार्यक्रमात ३ हजारपेक्षा जास्त महिला सहभागी झाल्या होत्या, असंही त्यांनी सांगितलं. मराठमोळी नऊवारी साडी नेसून मंगळागौरीचे खेळ खेळले, फुगडी खेळली, उखाणा घेतला, असं अमृता कॅप्शनमध्ये म्हणाल्या. अनेक महिलांसोबत सेल्फी काढली. महिलांशी भरभरून गप्पा मारल्या. मन प्रफुल्लित झाले आणि भारतीय पारंपरिक सणाची मजाही अनुभवली, असं अमृता यांनी कॅप्शनमध्ये म्हटलं आहे. (सर्व फोटो - अमृता फडणवीसांच्या इन्स्टाग्रामवरून साभार)