‘ज्युनियर पांड्या’ सोशल मीडियावर हिट; पाहा सर्व फोटो एका क्लिकवर

1/16

स्टारकिड्स हा कायम चर्चेचा विषय असतो. बॉलिवूड स्टार्सची मुलं असोत किंवा क्रिकेटपटूंची मुलं असोत, त्यांच्याबद्दल कायमच जाणून घ्यायला साऱ्यांना आवडतं.

2/16

भारतात क्रिकेटला धर्म मानतात. त्यामुळे एखाद्या क्रिकेटपटूच्या खासगी आयुष्यात काय सुरू आहे हे जाणून घेण्याची साऱ्यांनाच उत्सुकता असते.

3/16

क्रिकेटपटूंची मुलं हादेखील कायमच एक चर्चेचा विषय असतो. सचिनची मुलगी सारा तेंडुलकर, महेंद्रसिंग धोनीची मुलगी झिवा किंवा अगदी अलिकडेच बाबा झालेला हार्दिक पांड्या आणि त्याचा गोंडस मुलगा अगस्त्य…

4/16

१०-१५ वर्षांपूर्वी सोशल मीडियाचं स्वरूप भारतात तितकंसं व्यापक नव्हतं. पण सध्या सोशल मीडियाची व्याप्ती पाहता या स्टारकिड्सची दररोज चाहत्यांना माहिती मिळत राहते.

5/16

भारताचा धडाकेबाज अष्टपैलू खेळाडू हार्दिक पांड्या आणि त्याची गर्लफ्रेंड नताशा स्टँकोविच यांना ३० जुलैला पुत्ररत्न प्राप्ती झाली.

6/16

हार्दिक-नताशा आई-बाबा झाल्याचे हार्दिकने स्वत: ट्विट करून सांगितलं. लॉकडाउन काळात हार्दिकने आपली गर्लफ्रेंड नताशा गरोदर असल्याची माहिती सोशल मीडियावर दिली होती.

7/16

त्यानंतर ३० जुलैला हार्दिकने बाळाच्या हातात आपला हात असल्याचा खूप गोंडस फोटो पोस्ट करत साऱ्यांना ही गोड बातमी सांगितली.

8/16

हार्दिक आणि नताशा यांनी आपल्या बाळाचं नाव अगस्त्य असं ठेवलं.

9/16

हार्दिक आणि नताशा अनेक वेळा आपल्या बाळाचे फोटो सोशल मीडियावर पोस्ट करत असतात.

10/16

नताशाने बाळाला जन्म दिल्यानंतर काही दिवसांतच हार्दिकने आपल्या बाळासोबतचा एक फोटो पोस्ट केला होता.

11/16

काही काळ आपल्या बाळासोबत वेळ घालवल्यानंतर त्याला IPLसाठी दुबईला जावे लागलं. त्यावेळी व्हिडीओ कॉलच्या माध्यमातून तो आपल्या बाळाशी गप्पा मारायचा. तसे फोटोही नताशाने पोस्ट केले आहेत.

12/16

नुकताच हार्दिक आपल्या ऑस्ट्रेलिया दौऱ्यावरून परत आला. तेव्हा अगस्त्यला बाटलीने दूध पाजतानाचा फोटो त्याने सोशल मीडियावर पोस्ट केला होता.

13/16

हार्दिक किंवा नताशाचे अगस्त्यसोबतचे फोटो चाहत्यांच्या चांगलेच पसंतीस पडताना दिसतात.

14/16

अगस्त्यच्या फोटोंना मोठ्या प्रमाणात लाईक्स आणि कमेंट्स मिळत असतात.

15/16

अगस्त्यने मोठं होऊन आपल्या वडिलांसारखंच अष्टपैलू क्रिकेटपटू व्हावं असं अनेक चाहते फोटोवर कमेंट्स करताना दिसतात.

16/16

(सर्व फोटो सौजन्य : हार्दिक पांड्या/ इंस्टाग्राम)