Photos: डोनाल्ड ट्रम्प यांच्या मुलीने लेबनीज-अमेरिकन अब्जाधीशाशी थाटला संसार; पाहा, शाही विवाहसोहळ्याचे फोटो

अमेरिकेचे माजी राष्ट्राध्यक्ष डोनाल्ड ट्रम्प यांची मुलगी टिफनी ट्रम्प हिने रविवारी तिचा प्रियकर मायकल बुलोससह लग्न केले. पेज सिक्सच्या रिपोर्टनुसार, डोनाल्ड ट्रम्प टिफनीला एस्कॉर्टने घेऊन आले होते. ट्रम्प यांच्या मुलीचे लग्न मार-ए-लागो येथे झाले. टिफनीचा मंडप निळ्या, गुलाबी आणि पांढऱ्या फुलांनी सजवला होता. वधूचा ड्रेस लेबनीज फॅशन डिझायनर एली साब यांनी डिझाइन केला होता. टिफनीचा गाऊन लांब बाह्यांचा आणि मोत्यांनी झाकलेला होता. बहिण इव्हांका ट्रम्प पती जेरेड कुशनर आणि मुलांसह तिच्या लग्नाला उपस्थित होती. डोनाल्ड ट्रम्प यांची दुसरी पत्नी, इवांका आणि टिफनीची आई मारला मॅपल्स आणि सावत्र भाऊ एरिक ट्रम्प यांचाही पाहुण्यांच्या यादीत समावेश होता. हे खास लग्न अगदी साध्या पद्धतीने पार पडले, पण त्याचे नियोजन टिफनीसाठी चिंताजनक होते. कारण काही दिवसांपूर्वी आलेल्या चक्रीवादळाच्या बातमीने लग्न रद्द करावे लागेल असे त्यांना वाटले होते. पेज सिक्सच्या अहवालानुसार पाम बीच आंतरराष्ट्रीय विमानतळ बंद झाल्यामुळे सर्व उड्डाणे रद्द करण्यात आली होती. सूत्रांनी दिलेल्या माहितीनुसार टिफनी अजूनही तिथेच आहे. काही पाहुणे आठवडाभरासाठी आले होते. तर इतर अनेक कार्यक्रम रद्द करण्यात आले आहेत. सुदैवाने, पाम बीच काउंटी कोर्टहाऊस बंद होण्यापूर्वीच टिफनी आणि तिच्या होणाऱ्या नवऱ्याला मंगळवारी त्यांचा विवाह परवाना मिळला. ५०० पाहुण्यांसोबत या जोडप्याचा लग्नसोहळा पार पडला. टिफनी खूप दिवसांपासून मोठ्या लग्नाची योजना आखत होती. २०१८ च्या उन्हाळ्यात, अभिनेत्री लिंडसे लोहानसह ग्रीसमध्ये सुट्टी घालवताना, टिफिन ट्रम्पची भेट लेबनीज-अमेरिकन अब्जाधीश उत्तराधिकारी आणि बिजनेस एक्झिक्युटिव्ह मायकेल बुलोस यासह झाली. मायकेल बुलोसचे कुटुंब नायजेरियातील बुलोस एंटरप्रायझेस आणि एससीओए नायजेरियाचे मालक आहे. दोघे २०१८ पासून रिलेशनशिपमध्ये आहेत. सर्व फोटो: Instagram accounts of Tiffany Ariana Trump, Michael Boulos and Toni Breiss