Isha Ambani Twins: ईशा अंबानीप्रमाणेच ‘या’ सेलिब्रिटींनीही दिला जुळ्या मुलांना जन्म; पाहा खास फोटो

रिलायन्स इंडस्ट्रीजचे प्रमुख मुकेश अंबानी यांची मुलगी ईशा अंबानीने जुळ्या मुलांना जन्म दिला आहे. अंबानी आणि पिरामल कुटुंबियांनी संयुक्त परिपत्रक प्रसिद्ध करत या संदर्भात माहिती दिली आहे. आनंद पिरामल यांच्याशी लग्न झाल्यानंतर चार वर्षांनी १९ नोव्हेंबर रोजी ईशाला एक मुलगी आणि एक मुलगा झाला. या जोडप्याने मुलीचे नाव आदिया आणि मुलाचे नाव कृष्णा असे ठेवले आहे. ईशा आणि आनंद व्यतिरिक्त, देशात इतरही अनेक प्रसिद्ध सेलिब्रिटी आहेत जे जुळ्या मुलांचे पालक आहेत. दाक्षिणात्य चित्रपटसृष्टीमधील लोकप्रिय अभिनेत्री नयनतारा हिने जून महिन्यात दिग्दर्शक विग्नेश शिवनसोबत लग्नगाठ बांधली. लग्नानंतर अवघ्या चार महिन्यातच नयनतारा आई झाली. सरोगसीचा मदतीने नयनताराच्या घरी दोन जुळ्या मुलांचा जन्म झाला. विग्नेश शिवनने त्याच्या सोशल मीडियावर पोस्ट शेअर करत याबद्दलची माहिती दिली. बॉलिवूडमधील संजू बाबा अर्थात अभिनेता संजय दत्तने मान्यताबरोबर २००८ साली लग्न केले. या दोघांना शाहरान आणि इकरा ही जुळे मुले आहेत. बॉलिवूड अभिनेत्री सनी लिओनी तीन मुलांची आई आहे. सनीने सरोगसीच्या मार्गाचा अवलंब करत जुळ्या मुलांचं पालकत्वं स्वीकारलं. सनीच्या जुळ्या मुलांची नावं नोआ आणि अशर अशी आहेत. बॉलिवूडमधील निर्माता करण जोहरने सरोगसीद्वारे एकल पालकत्व स्वीकारले. करण जोहरच्या दोन जुळ्या मुलांचा ७ फेब्रुवारी २०१७ रोजी जन्म झाला. करणच्या मुलांची नावे रुही आणि यश अशी आहेत. २०१३ साली विवाहबंधनात अडकलेल्या विनोदवीर कृष्णा अभिषेक आणि कश्मीराने सरोगसीद्वारे जुळ्या मुलांना जन्म दिला. आपल्या तालावर प्रत्येक बॉलिवूड कलाकाराला ठेका धरायला लावणारी नृत्यदिग्दर्शिका फराह खानला आन्या, दीवा आणि सझर ही तिळी मुले आहेत. फराह तिच्या इन्स्टाग्राम अकाउंटवर आपल्या मुलांचे सुंदर फोटो शेअर करत असते. मराठी चित्रपटसृष्टीमधील अतिशय लोकप्रिय अभिनेता संकर्षण कऱ्हाडे याच्या पत्नीने २७ जून २०२१ रोजी जुळ्याच्या बाळांना जन्म दिला. त्यांनी मुलाचे नाव सर्वज्ञ ठेवले आहे तर मुलीचे नाव स्रग्वी असे ठेवले आहे. प्रसिद्ध अभिनेत्री क्रांती रेडकरने २०१७ साली एनसीबी अधिकारी समीर वानखेडेशी लग्न केलं. या दोघांनीही अगदी साध्या पद्धतीने लग्न केलं होतं. २०१८ साली क्रांतीने जुळ्या मुलींना जन्म दिला. टीव्ही अभिनेता हितेन तेजवानी आणि अभिनेत्री गौरी प्रधान २००९ मध्ये जुळ्या मुलांचे पालक झाले. अभिनेत्री सेलिना जेटलीने २०१२ साली जुळ्या मुलांना जन्म दिला. व्हिस्टन आणि विराज अशी सेलिनाच्या जुळ्या मुलांची नावं आहेत. सर्व फोटो : इन्स्टाग्राम