‘कुंभ’ या शब्दाचा उगम कसा झाला आणि त्याचा अर्थ काय होतो? जाणून घ्या…

कुंभ हा शब्द संस्कृतमधून आला आहे, ज्याचा अर्थ अमृताने भरलेली घागर असा होतो, जी समुद्रमंथनादरम्यान सापडली होती, असे मानले जाते. हिंदू धर्माच्या मान्यतेनुसार, समुद्रमंथनातून अमृत बाहेर पडले, ज्यामुळे देव आणि दानवांमध्ये युद्ध झाले. हे युद्ध १२ दिव्य दिवस चालले, जे १२ मानवी वर्षांच्या बरोबरीचे मानले जाते. प्रयागराज, हरिद्वार, नाशिक आणि उज्जैन या चार ठिकाणी अमृताचे थेंब पडल्याचे सांगितले जाते. त्यामुळे या चार ठिकाणी कुंभमेळ्याचे आयोजन केले जाते, जेथे लाखो भाविक स्नानासाठी येतात. कुंभमेळ्याची उत्पत्ती म्हणजेच कुंभ शब्दाचा उगम हिंदू धर्मातील प्राचीन ग्रंथ ऋग्वेदातून झाल्याचे मानले जाते. या मेळ्यांना केवळ धार्मिक महत्त्व नाही, तर सांस्कृतिक दृष्टिकोनातूनही ते महत्त्वाचे आहेत. आज कुंभमेळा एक अनोखा धार्मिक आणि सांस्कृतिक मेळावा म्हणून जगभर प्रसिद्ध झाला आहे. हेही पाहा- ममता कुलकर्णीने महामंडलेश्वर होण्यासाठी १० कोटी रुपये दिले? किन्नर आखाड्याने बाहेरचा रस्ता का दाखवला? स्वतः दिली उत्तरं…