राज्याचे उपमुख्यमंत्री अजित पवार यांच्या कुटुंबीयांवर गेल्या काही दिवसांमध्ये आयकर विभागानं ठिकठिकाणी धाडी घातल्या. त्यामुळे पवार कुटुंबीयांच्या सुरू असलेल्या चौकशीवरून राज्यातलं राजकारण चांगलंच तापलं आहे. केंद्रीय तपास यंत्रणांचा भाजपाकडून गैरवापर सुरू असल्याची टीका देखील पवार कुटुंबासोबतच शिवसेना आणि काँग्रेसनं देखील वारंवार केली आहे. या पार्श्वभूमीवर अजित पवारांचा हातात तलवार घेतलेला फोटो लावलेले बॅनर्स पुण्यात चर्चेचा विषय ठरले आहेत. राष्ट्रवादी काँग्रेसच्या स्थानिक नगरसेवकाने हे बॅनर्स लावले असून अजित पवारांच्या हातातल्या तलवारीनं या चर्चेत अधिक भर टाकली आहे.

या बातमीसह सर्व प्रीमियम कंटेंट वाचण्यासाठी साइन-इन करा

पुण्याच्या कात्रज-आंबेगाव परिसरात हे बॅनर्स लागले आहेत. या बॅनर्सवर अजित पवारांचा फोटो लावण्यात आला असून त्यांच्या हातात तलवार देखील दिसत आहे. फोटोच्या बाजूला “जत्रेत खेळणाऱ्या पैलवानांनी तालमीत खेळणाऱ्या पैलवानाचा नाद करू नये”, असा संदेश लिहिला आहे. याशिवाय, “समझने वाले को इशारा ही काफी है”, असं देखील फ्लेक्सवर लिहिण्यात आलं आहे.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Deputy cm ajit pawar banners in pune not removed sword in hand pmw
First published on: 21-10-2021 at 17:17 IST