पुण्यातील हडपसरजवळील मैदानामध्ये बुधवारी दुपारी ग्लायडिंगसाठी वापरण्यात येणाऱ्या छोट्या विमानाला तांत्रिक बिघाडामुळे इमर्जन्सी लॅंडिंग करावे लागले. या घटनेत वैमानिक जखमी झाला आहे.
हडपसरमधील ग्लायडिंग सेंटरवरून या विमानाने उड्डाण घेतले होते. उड्डाणानंतर थोड्याच वेळात विमानात तांत्रिक बिघाड असल्याचे वैमानिकाच्या लक्षात आले. त्याने परिसरातील रिकाम्या मैदानावर इमर्जन्सी लॅंडिंग केले. वैमानिकाने परिस्थितीचे गांभीर्य ओळखून मोकळ्या मैदानात तातडीने विमान उतरविल्यामुळे मोठी दुर्घटना टळली. दाट लोकवस्ती असलेल्या भागाजवळच ही घटना घडली. वैमानिकावर उपचार करण्यात आले आहेत.